شێوەكارەكا كورد ل وەلاتێ بریتانیا دێ پشكداریێ د پێشانگەهەكێ دا كەت
هەرهین محەمەد
هونەرمەندا شێوەكار (رەشا سالح) د دیدارەكێ دا بۆ رۆژنامەیا ئەڤرۆ دیاركر كو وێ پشكداریێ د پێشانگەهەكا هەڤپشك دا كریە ل ژێرناڤێ (یادەوریە وزامدارەكان) ل وەلاتێ بریتانیا، كو دێ ل سەر جینۆساید و ئەنفالان بیت و ل رۆژا 14/4 هاتیە ڤەكرن و هەتا 15/5 دێ یا بەردەوام بیت.
زێدەتر گۆت: ئەم هەموو هونەرمەندێن كورد گرنگە پشكداری پێشانگەهێن ژ دەرڤە ببین ژ بۆ ناساندنا هونەرێ كوردی و ب دیتنا كارێن وان و پشكداریا هونەرمەندان د ئەڤان پێشانگەهان دا مفایەكێ مەزن هەیە و ئەزدێ بەحسێ خوە كەم گەلەك كارێن من ل گەلەریێن باش دهێنە وەرگرتن و ب دیتنا من بۆ هونەرمەندێن بیانی و خەلكێ ئەوی وەلاتی دهێتە دیتن و مفایێ ئەڤان پێشانگەهان ئەوە هەڤنیاسین د ناڤبەرا شێوەكارێن بیانی و یێن مە دا چێدبیت و من لبەرە بەردەوام پشكداری ئەڤان جۆرە پێشانگەهان ببم، چونكو كەڤال ب بها دهێتە وەرگرتن و فرۆتن و كەتەلوك و پەرتووكێن جوان بۆ كەڤالێن هونەرمەندێن شێوەكار دهێنە چێكرن.
