شەڕێ ڕیالێ و فدراسیۆنێ گەهشتە دادگەهێ
ڕاپۆرتێن رۆژنامەڤانی دوپات دكەن كو دادگەها بلند یا حوكمەتا ئسپانیا بفەرمی داخوازا نوونەرێ یانەیا ڕیال مەدرید و خابیێر تیباس سەرۆكێ فدراسیۆنا فوتبۆلا ئسپانی كریە دەرئەنجامێ ناكۆكییا دناڤبەرا هەردو لایان دا و دوورنینە ژبەر داخویانییا خابیێری سزا و دوورئێخستن بهێتە كرن.
رۆژنامەیا دیپۆرتیفۆ لاكازیتا یا ئسپانی بەلاڤكرییە، ل سەر هەبوونا ناكۆكیێن رۆژنامەڤانی یێن بەردەوام دناڤبەرا ڕیال مەدرید و سەرۆكێ فدراسیۆنا فوتبۆلا ئسپانیا خابیێر تیباس، دووماهی داخویانی خابیێری یانەیا ڕیالێ ب توومەتا هەبوونا شێوازێ بەلاڤكرنا بابەتان ب شێوازێ ڕیكلامێن پارتا تازی ل ئەلمانیا دایە دیاركرن، ئەڤ داخویانییە بوویە جهێ نەڕازیبوونا ڕیال مەدرید و پرانییا خەلكێ ئسپانی دەرئەنجام دادگەها بلند یا حوكمەتا ئسپانیا داخوازا فەرمی ئاراستەیی ڕیال مەدرید و سەرۆكێ فدراسیۆنا فوتبۆلا ئسپانیا كرییە، دەنگۆیێ هەبوونا سزانێن توند هەنە ژ وانا دوورئێخستنا خابیێری ژ پۆستێ وی ژبەر داخویانیەكا زڤڕ و دووری وەرزشێ.
