فلمەكێ كوردی ل ئیسپانیا هەڤڕكیا ب دەستڤەئینانا خەلاتی دكەت
رەمەزان زەكەریا
جوبرائیل ئەبوبەكر، دەرهێنەرێ كورتە فلمێ (دەریای هیوا) د دیدارەكێ دا بۆ رۆژنامەیا ئەڤرۆ گۆت: گرنگترین دەستكەفت بۆ فلمێ من ئەوە كو گەهشتیە قۆناغا دووماهیێ یا فیستەڤالێ و ئەڤ هەلبژارتنە سەركەفتنەكا گرنگە و جهێ شانازیێ یە.
هەروەسا گۆت: كورتە فلمێ (دەریای هیوا) كو پەردێ ل سەر زیانێن مرۆڤی یێن شەڕی د چاڤێن وان مەدەنیان دا ئاشكرا دكەت یێن كو پشتی شەڕی ل وێرێ ئاسێ بووین، فلم ب گرنگیدان ب شونەوارێ سۆزداری و جەستەیی یێ ئاوارەبوونا زۆرەملی، شوێنپێیا گەهشتێن وان كەسان دگریت یێن كو نەچارن ژ مالێن خۆ بڕەڤن هەموو تشتەكێ دكەنە د مەترسیێ دا دەمێ ب ڕێكێن مەترسیدار دا دچن كو مرن و خەندقین د هەر وەرچەرخانەكێ دا ل وان دنێریتی د گەڕانەكا بێهێڤی دا بۆ سەلامەتیێ و ژیانەكا ب كەرامەت، بۆ زانین فیستەڤالا خەلاتێن تیشكا ڕۆناهیێ ئێكە ژ وان فیستەڤالێن نێڤدەولەتی یێن كو گرنگیێ ب چیرۆك ڤەگێڕانەكا كـویر و مرۆڤی ددەت نەك تنێ ب لایەنێ تەكنیكی یێ فلمسازیێ تایبەتمەندییا فیستەڤالێ ئەوە كو پشتەڤانیێ ل وان بەرهەمان دكەت یێن بزاڤێ دكەن هشیاریا مرۆڤی تێگەهشتن و پەیوەندیێن مرۆڤی بەرفرەهـ بكەن و فیستەڤال ب ناڤێ ئەكتەرێ ناڤدارێ بەریتانی ڕەی ستێڤنسن هاتیە دانان ئەو هونەرمەندێ ب كارێن خۆ د فلم و زنجیرە درامایێن جیهانی دا دهێتە نیاسین.
