قووناغا دویێ دێ ل زاخۆ بیت و هەموو بەرهەڤی هاتینە كرن
د داخویانیەكێ دا ئەندامێ فدراسیۆنا باسكێت بۆلا ئیراقێ ڕاگەهاند قووناغا دویێ یا خولا پلا نایاب لسەر ئاستێ پێشكەڤتیان دێ ل باژێرێ زاخۆ هێتە كرن پشتی كارگێرییا یانەیێ پێشنیارا مێڤانداریێ كری و گەشبینن دێ یا سەركەڤتی بیت.
زێدەت عەلی محەمەد گۆت: پشتی بدووماهی هاتنا قووناغا ئێكێ یا كۆما ئێكی ژ خولا پلا نایاب ئەوا ل باژێرێ كەركووكێ هاتیە كرن، بۆ قووناغا دویێ بڕیار هاتە دان یاریێن وێ ل 21ێ ڤێ مەهێ باژێرێ زاخۆ مێڤاندارییا وێ بكەت كو ل دووڤ داخوازی و پێشنیارییا كارگێرییا یانەیا زاخۆ بوو، پشتی هەموو بەلینە دایی كو دێ قووناغا دویێ ب شێوەیەكێ ڕێكخستی و مێڤاندارییەكا سەركەڤتی بڕێڤەبەت، وەكو فدراسیۆن ژی پشت راستە ل سەر سەركەڤتنا ڤێ قووناغێ ژبەر هەبوونا ژێرخانەیا وەرزشی و هەڤكارییەكا تەمام دێ هەبیت.
یاریێن زاخۆ دڤێ قووناغێ دا
زاخۆ- سایبس، 21-5- 2026ێ، دەمژمێر شەشێ مەغرەب.
زاخۆ -نەفت ئەلجنوب، 22-5-2026ێ، هەشتی شەڤ هێتەكرن.
زاخۆ- دیفاع ئەلجەوی، 23-5-2026، هەشتی شەڤ هێتەكرن.
زاخۆ- عومال نەینەوا، 25-5-2026، شەشێ مەغرەب هێتەكرن.
زاخۆ- غاز ئەلشیمال، 26-5-2026ێ، شەشێ مەغرەب هێتە كرن.
بۆ زانین د وەرزێ ئەڤ سالە دا فدراسیۆنا باسكێت بۆلا ئیراقێ شێوازێ هەڤڕكیێ ل سەر ناسناڤێَ گوهۆڕتییە، ئەوا12 یانە پشكدارن و هاتینە بەلاڤكرن ل سەر دو كۆمان، كۆما ئێكێ پێكهاتیە ژ، زاخۆ، نەفت ئەلشیمال، سایبس، دیفاع ئەلجەوی، عومال نەینەوا و غاز ئەلشیمال، یاریێن وێ ل كەركووكێ دهێنە كرن، كۆما دویێ پێكهاتینە ژ دیجلە ئەلجامیعە، نەفت میسان، كارەبا، حللە، ئەلیەقزە و حەشد ئەلشەعبی، یاریێن وێ ل پایتەختێ ئیراقێ بەغدا دهێنە كرن، چار یانە ژ هەر كۆمەكێ دێ دەربازبنە قووناغا هەشتێ پلەی ئۆف ئەوا دێ ل 29 و 30ێ ڤێ مەهێ هێنە كرن.
