كاریكاتۆر زمانەكێ ب هێزە پێدڤی ب ئاخفتنێ نینە
رەمەزان زەكەریا
هونەرمەند (گرفتار كاكەیی) د دیدارەكێ بۆ رۆژنامەیا ئەڤرۆ گۆت: ئەز وەك نوونەرێ كاریكاتۆرڤانێن كورد هاتیمە دەستنیشانكرن بۆ پشكداریكرنێ د پێشانگەها نێڤدەولەتیا كاریكاتۆری یا تایبەت ب هشیاریا ژینگەهی كو دێ ل وەلاتێ سعودیێ هێتە ڤەكرن.
هەروەسا گۆت: ئەڤە دەستكەفتەكێ مەزنە بۆ مە كاریكاتۆرڤانان كو كو پشكداریێ دوێ پێشانگەهێ دا بكەیت و پەیاما ژینگەپارێزیێ ب زمانەكێ جیهانی بگەهینیت و پێشانگەهـ ب پشكداریا (70) كاریكاتۆرڤانێن ناڤدار ژ ولاتێن جودا یێن جیهانێ هاتیە داخوازكرن و تەوەرێن سەرەكی پیسبوونا هەوا و ئاڤێ و گوهۆڕینا كەشوهەوای، وێرانكرنا دارستانان و كێمبوونا ژێدەرێن سروشتی، پاراستنا گیانەوەران و دابینكرنا ژینگەیەكا پاقژ، بۆ زانین كاریكاتۆر زمانەكێ وەسا ب هێزە پێدڤی ب ئاخفتنێ نینە.
