كەزان ژێدەرەكێ سەرەكی یێ ژیانێ یە
رەمەزان زەكەریا
دارا كەزانێ ئێكە ژ گرنگترین و ناڤدارترین دارێن كیڤی ل دەڤەرێن چیایی یێن كوردستانێ و رۆژهەلاتا ناڤەڕاست ژلایێ ژینگەهی و ئابووری و نۆشداری ڤە گرنگیەكا ستراتیژی هەیە.
تاهر سالح، ژینگەهپارێز و فۆتۆگرافەرێ ژینگەهێ بۆ رۆژنامەیا ئەڤرۆ گۆت: دارا كەزانێ وەك سەربازێ بەرزە یێ سروشتی دهێتە هژمارتن ئەڤ دارە ب ئەگەرێ رهێن خۆ یێن كوور و ب هێز ڕێگرییەكا زۆر باش ل شۆربوونا ئاخێ دكەت، ب تایبەتی ل وان دەڤەرێن ل ژێر چیایی یێن كو مەترسیا لەهیان ل سەر هەی، هەروەسا دارەكا زۆر خۆڕاگرە بەرامبەر هشكەسالیێ و كێمئاڤیێ ئەڤێ چەندێ ژی وەكریە ببیتە پارێزەرەكا سەرەكی بۆ هاڤسەنگیا ژینگەهێ ل چیا یێن كوردستانێ.
ناڤبری گۆت: ئێك ژ ناڤدارترین بەرهەمێن داركەزانێ، بەنێشتێ كوردی یان بەنێشتێ تەعلە.
