له‌شكرێ فره‌نسا سكس ل گه‌ل زارۆيێن كێمتر ژ 9 سالان ئه‌نجام داينه
ئه‌ڤرۆ نيوز:
ده‌زگه‌هێن داد يێن فره‌نسا مژوولى ڤه‌كۆلينێ نه ل دۆر وان تۆمه‌تێن روو ب روويى له‌شكرێ وه‌لاتێ وان هاتينه كرن ل ئه‌فريقيا ناڤه‌راست ل دۆر ده‌ستدرێژيا سكسى دژى زارۆيێن كێمتر ژ 9 ساليێ.
ب گۆره‌يى راپۆرته‌كا نه‌ته‌وێن ئێكگرتى، له‌شكرێ فره‌نسى ل ئه‌فريقيا ناڤه‌راست ده‌سدرێژيا سكسى دژى وان زارۆيێن بێ سه‌رپه‌رشت كريه بۆ ئه‌وێن دچوونه نێزێكى سه‌ربازگه‌هێن وان بۆ وه‌رگرتنا خوارنێ.
دهێته گۆتن هنده‌ك ژ وان زارۆيان بووينه قوربانى ده‌سدرێژيا سكسى ل سه‌ربازگه‌هێن فره‌نسى و ژيێ وان د بن 9 ساليێ دايه.
د ڤێ ده‌ربارێ دا، وه‌زاره‌تا به‌ره‌ڤانيا فره‌نسا راگه‌هاند، هه‌ر له‌شكره‌كێ ئه‌و تۆمه‌ت ب سه‌ر دا هاته سه‌پاندن دێ ب دژوارى هێته سزادان.
سالا 2013ێ و پشتى كۆده‌تايه‌ك ب سه‌ر ئه‌فريقيا ناڤه‌راست دا هاتى و گه‌له‌ك ژ وى وه‌لاتى ب خوه ڤه‌گرتى، فره‌نسا هزار و 600 له‌شكرێن خوه ره‌وانه‌يى ئه‌فريقيا ناڤه‌راست كربوون.
