مامۆستایه‌كێ زانكۆیێ: مامۆستا ژی هنده‌ك جاران دبیته ئه‌گه‌رێ په‌یدابوونا گڤاشتنان
هه‌ولێر، سۆلین سلیمان:
دده‌مێ نێزیكبوونا ئه‌نجامدانا تاقیكرنانێن قوتابیان دا، پتر قوتابیان تووشی گڤاشتنێن ده‌رونی دبن، ل سه‌ر ڤی بابه‌تێ مه بفه‌ر دیت هه‌ڤدیتنه‌كێ ل گه‌ل ماموستایه‌كێ زانكۆیێ بكه‌ین، داكو پتر ڤی بابه‌تێ بۆ مه شرۆ ڤه بكه‌ت.
ئه‌كره‌م عه‌بدولجه‌بار مامۆستایێ زانكۆیێ و ڤه‌كوله‌رێ جڤاكی سه‌باره‌ت گڤاشتنێن ده‌رونی ل سه‌ر قوتابیان تایبه‌ت بۆ رۆژناما ئه‌ڤرۆ راگه‌هاند، ترسا قوتابیان ژ سه‌رنه‌كه‌فتنێ ده‌هه‌مان ده‌مدا مانا ل پۆلا خوه ل ده‌ڤ گه‌له‌ك قوتابیان دبیته جهێ هه‌ستیارێ قوتابیان، ئه‌ڤ چه‌نده ژی بوویه ئه‌گه‌رێ هندێ قوتابی هه‌ست بترسه‌كه‌ا مه‌زن ژ تاقیكرنان بكه‌ت، یان ژی ژلایێ خێزانێ ڤه بهێته سزادان، چونكی هنده‌ك خێزان هه‌نه زاروكێن خوه دده‌مێ سه‌رنه‌كه‌فتنێ دا سزا دده‌ن، وهنده‌ك جاران ژی ژ خواندنێ دهێنه دوور ئێخستن، ژ ئالیه‌كێ دیتر ڤه، قوتابی هزر ژ هندێ دكه‌ن، كو هه‌ڤالێن پۆلا خوه دوور كه‌ڤیت هه‌كه ده‌رنه‌چوو ژ تاقیكرنان یان سفكاتی دێ ژ لایێ هه‌ڤالێن وی ڤه پێهێته كرن، ئه‌ڤ چه‌نده هه‌موو ئه‌گه‌رن كو گڤاشتنێن ده‌رونی ل سه‌ر قوتابی په‌یدا بكه‌ت.
مامۆستا ئه‌كره‌م عه‌بدولجه‌باری هه‌روه‌سا گۆت: پێدڤیه مامۆستایێ هاریكار بیت و بزاڤێ بكه‌تن وان گڤاشتنان ل سه‌ر قوتابی كێم بكه‌ت، یان ژی ده‌گه‌هێن راگه‌هاندنێ بڕێیا به‌لاڤكرنا زانیاری و پێزانینان قوتابی هوشیار بكه‌ن، كو ببیته ئه‌گه‌ر وان كڤاشتنان ل سه‌ر قوتابیان كێم بكه‌ت، دیسان خێزان و مالبات ژی دشێت ببیته ئه‌گه‌رێ كێمكرنا وی َ گڤاشتنا ده‌وره‌نی ل سه‌ر قوتابی، كو هه‌رده‌م پشته‌ڤانێن سه‌ره‌كی بن بۆ زترۆكێن خوه داكو بشێن نمرێن هه‌ره باش بده‌ستخوه‌ڤه بینن و ده‌ستخووشیێ لێ بكه‌ن.
مامۆستا و ڤه‌كوله‌رێ جڤاكێ ئه‌و چه‌نده ژی دیاركر، گه‌له‌كا گرنگه قوتابی ب شێوازه‌كێ ئه‌رێنی هزر بكه‌ت، وسه‌باره‌ت ده‌مێن تاقیكرنان و چه‌وانیا دنانا خشته‌كێ تایبه‌ت بۆ تاقیكرنان پرسیارا كه‌سێن شاره‌زا و پسپۆر بكه‌ت.
ل دووماهیێ مامۆستا ئه‌كره‌م عه‌بدولجه‌باری ئاماژه‌دا هندێ و گۆت: هنده‌ك جاران ژی مامۆستا ب خوه ژی ئه‌گه‌رن كو گڤاشتنێن ده‌رونی ل سه‌ر قوتابی په‌یدابنن، ب شێوه‌كی كو ترسه‌كا مه‌زن ل ده‌ف قوتابی په‌یدا بكه‌ن، له‌ورا یا گرنگه ماموستا یێ هاریكار بیت ژ بۆ نه‌هێلان و راكرنا وان گڤاشتنان ل سه‌ر قوتابی، هه‌موو پێزانینێن تایبه‌ت بۆ دابین بكه‌ن و به‌رهه‌ڤ بكه‌ن، داكو قوتابی د ره‌وشه‌كا ئارام و ته‌ناهی دا ئه‌ركێ تاقیكرنێ ئه‌نجام بده‌تن.
