من حەز ژ كارێ زیرەكیا چێكری نەكریە
بێوار حەمدی
وێنەگر (عەبدوللا یونس) كو ئەڤە پتری (34) سالانە كارێ وێنەگریێ دكەت، د دیدارەكێ دا بۆ رۆژنامەیا ئەڤرۆ گۆت: هەر ل دەستپێكێ من گەلەك حەزژ كارێ وێنەگریێ دكر، لەورا من دەست نە داهێلان و هەتا نوكە یێ بەردەوامم.
هەروەسا گۆت: ل دەستپێكا دامەزراندنا كەنالێ دایك (دهۆك تیڤی) كو ل سالا (1992) بوو، كو ل وی دەمی ناڤێ وێ (خەبات) بوو، ئەز چوومە دگەل و هەتا نوكە من وێنەگری بۆ گەلەك دەزگەهێن راگەهاندنێ كریە، ژوانا (دهۆك تیڤی، زاگرۆس تیڤی، كوردستان تیڤی) و هەردەم ئەز دبێژم پێدڤیە وێنەگرێ سەركەفتی خۆ ژ چو تشتان نەدەتە پاش دا بشێت بەردەوام یێ پێشكەفتی بیت، هەرچەندە زیرەكیا چێكری كارێ وێنەگری ب ساناهیتر لێ كریە، لێ من حەزژێ نەكریە، چنكو ئەو كارێ مرۆڤ ب شیانێن خۆ دكەت گەلەك جوانترە.
