من كەڤالێن خۆ هەتا ب هزار دۆلاران فرۆتینە
سندس سالح سلێڤانەیی
شێوەكار (شێروان حەسەن) د دیدارەكێ دا بۆ رۆژنامەیا ئەڤرۆ گۆت: دەمێ ئەز قوتابی من حەزژ چێكرنا وێنەیان دكر، هەر چەندە دایكا من كەسەكا نەخواندەڤان بوو، بەس گەلەك پشتەڤانیا من دكر كو یێ بەردەوامم و بەردەوام ڕەنگ و كەرەستەیێن وێنەچێكرنێ بۆ من دئینان، لەورا ئەز دشێم بێژم ئەو قوتابخانەیا من یا ئێكێ بوو و هەتا نوكە یێ بەردەومم.
هەروەسا گۆت: ل دەستپێكێ بتنێ من وێنەیێن ڕەش و سپی چێدكرن، كو ل وی دەمی گەلەك داخوازی ل سەر هەبوون و من ئەو وێنە ل سۆشیال مەدیایێ بەلاڤ دكرن، بۆ زانین ل سالا 1996 و ل سالا 1997 من پشكداری دپێشانگەهێن هەڤپشكدا كریە، هەروەسا پێشانگەهەك ب هەلكەفتا (یوبیلا زێرین) یا پارتی دیموكراتی كوردستان، هەروەسا من پشكداری د بەرنامەیەكێ زارۆكان ل تەلەفزیۆنا دهۆك دا كربوو و من كەڤالێن خۆ ژی هەتا ب هزار دۆلاران فرۆتینە.
