مەكتەبا ڕێكخستنێ یا پارتی ل بەهدینان یانەیا ئافرەتێن دهۆكێ خەلاتكر
دوهی د ڕێورەسمەكێ تایبەت دا سەرپەرست لەزگین ئەندامێ مەكتەبا سیاسی و بەرپرسێ مەكتەبا ڕێكخستنا پارتی دیموكراتی كوردستان ل بەهدینان تیما فوتبۆلا یانەیا ئافرەتێن دهۆكێ خەلاتكر، پشتی ل شۆباتا بۆری شیاین قارەمانییا ئیراقێ بۆ یاریگەهێن بچووكری یا سالا 2026ێ ب دەستڤە بینن.دوهی د ڕێورەسمەكێ تایبەت دا سەرپەرست لەزگین ئەندامێ مەكتەبا سیاسی و بەرپرسێ مەكتەبا ڕێكخستنا پارتی دیموكراتی كوردستان ل بەهدینان تیما فوتبۆلا یانەیا ئافرەتێن دهۆكێ خەلاتكر، پشتی ل شۆباتا بۆری شیاین قارەمانییا ئیراقێ بۆ یاریگەهێن بچووكری یا سالا 2026ێ ب دەستڤە بینن.د گۆتارا خوە دا سەربەست لەزگین بەرپرسێ مەكتەبا ڕێكخستنا پارتی ل دەڤەرا بەهدینان گۆت: خۆشخالین پێشوازییا تیما فوتسالا یانەیا ئافرەتێن دهۆكێ دكەین و گەلەك كەیفخوەشین د ئەڤ سالە دا شیاین ببنە قارەمانێن ئیراقێ و ناسناڤی ب دەستخوە ڤەبینن ئەڤە ژی دەستكەڤتەكێ دی یێ وەرزشی یێ گرنگە، تایبەت یانەیا ئافرەتایە، پشكدارییا ئافرەتێن د هەمی بوارێ ژیانێ دا و دەزگەه و دناڤا چڤاكێ دا، جهێ سەربلندیێ و شانازیێ یە ئەم ب چاڤەكێ ڕێز و قیمەتەكێ مەزن سەحدكەین، گەلەك پێخوەشحالین كو یانەیا مە یا ئافرەتێن دهۆكێ شیایی ڤی ناسناڤی ب دەستخوەڤەبینیت.هەروەسان ناڤهاتی گۆت: ئەم بناڤێ هەمی هەڤالێن ئامادەبووی پیرۆزباهییا ئێك ئێكە ژ كارگێرییا یانەیێ و كادرێ ڕاهێنانێ و یاریزانان دكەین، ب ئانەهییا خودێ دێ بەردەوامبن ل سەر ڤی ئاستێ بلند پێشكێشكەن و كارێن خوە بەردەوامبن، وەكو پارتی مە پووتەیەكێ مەزن یێ دایە وەرزشێ و ئەم پشتەڤانیێ ل گەنج و لاوێن خوە دكەین كور وكچان ل هەمی جهان، جهێ پێخوەشحالیێ یە ل دەڤەرا بەهدینان سەرەرایی قەیرانا و ئاریشەیێن ئابۆری و ژیانا خەلكی ئەوا ل سەر مە دا دهێت و ئەم دەرباز دكەین، سەرەرایی ڤێ چەندێ ژی هەموویان ئاخڤتنا خۆ یا هەی و دشێت گەلەك دەستكەڤتان بینن، گەلەك واران دانە بتنێ یارییا فوتبۆلێ بەلكو جورێن دی یێن وەرزشی دا، قارەمانیێن گرنگ و یێن ب ناڤ و دەنگ، جهێن جودا ئەم دەستكەڤتێن وان دبینن و پێ سەربلندین و شانازیێ پێ دبەین.ژلایەكێ دووڤە سەربەست لەزگین گۆت: وەرزش گەلەك یا گرنگە و ڕەنگە ئەوا ل وەرزشێ دهێتە كرن كو مە بڤێت ل سیاسیەتێ بهێتە كرن ل وەرزشێ ب سانەهی بهێتە كرن، ژبەر هندێ ئەركێ مەیە وەكو پارتی ئەم گرنگیێ پێ بدەین، سەرباری مە كێشە و قەیران ژی هەبووینە ل سالێن دووماهیێ، بەلكێ ل سەر هندێ ڕا ژی ئەوا د شیان دابوویە هەمی دەمەكی ئەم دگەل خویشك و برایێن خوە و گەنج و لاوان بووینە د هەمی جورێن وەرزشێ دا و سۆپاس بۆ خودێ نوكە گەلەك پلێن بلند ئەم دبینن ئاستێ مەزن پێشكێش دكەن، دوبارە پیرۆزباهیێ ل هەوە دكەین ب هیڤییا بەردەوامییا دەستكەڤتان.ژلایێ خوەڤە كەسكین مەسعۆد مستەفا سەرۆكا یانەیا ئافرەتێن دهۆكێ سۆپاسیێن خوە گەهاندن و گۆت: بەری دەستپێكرنا گۆتارا خوە دێ ب گۆتنەكا سەرۆك بارزانی دەستپێكەم دبێژیت، رۆلێ وەرزشڤانان و قارەمانێن وەرزشی چ كێمتر نینە ژ رۆلێ پێشمەرگەیی بۆ ناسناندن و بەرەڤانیكرنێ ژ دۆزا گەلێ كوردستانێ) و گۆت: ب ناڤێ كارگێریێ و هەموو یاریزانان سۆپاسییا مەكتەبا ڕێكخستنا پارتی دیموكراتی كوردستان دكەین كو هەردەم پشتەڤان و هاریكارێن وەرزشێ نە ب گشتی و یانەیا مە یا ئافرەتان ب تایبەتی، ئەم شانازیێ ب هەوە دبەین، سۆپاسییا پارێزگارێ دهۆكێ، لەقا ئێك یا تێكۆشەر، ڕێڤەبەرییا وەرزشی و لژنەیا ئۆلمپی دكەین كو ئەو ژی هەڤكارن و پشتەڤانن، ئەڤ ڕێزگرتنە گەلەك كەیفا یاریزانێن مە ئینان كچێن باژێرێ دهۆكێ كو گەشبینیەكا دی بۆ پەیدابوویە ئەو پتر خوە ماندی بكەن بۆ دەستڤە ئینانا دەستكەڤتان.هەروەسان ناڤهاتی گۆت: مە یاریزانێن خودان شیان هەنە كچێن دهۆكێ پێنەڤێت ب پشتەڤانییا هەوە یا بەردەوام دێ ئاستێن بلند و پشكداریێن نێڤدەولەتی هەبن بۆ ناڤێ دهۆكێ و كوردستانێ.
