نهێنیا سەركەفتنا ڤیدیۆیێن كورت كێمبوونا دەمی یە
هەرهین محەمەد
محەمەد شەرەفانی، شارەزا دبۆارێ سۆشیال مەدیایێ دا، د دیدارەكێ دا بۆ رۆژنامەیا ئەڤرۆ گۆت: نوكە ژێریا چێكری سیستەمێ ئەلگۆریك مە كونترۆل دكەت و گوهۆڕینان مەزن ئەوە ئێدی نە ب هژمارە و فولۆ وەسانە ب كوالیتی و ناڤەرۆكا ڤیدیۆیێ یە ژی ژێریا چێكری ژی حەزژ ئارەزویا بكارهێنەرێ دەستنیشان دكەت و ناڤەرۆكێ دگەهینتە وی كەسی حەزژێ دكەت خۆ هەكە پەیچی تە فولۆ نە كربیت ژی و نهێنیا سەركەفتنا ڤیدیۆیێن كورت بۆ بینەران ئەوە كێمبوونا دەمێ سەرنج دانێ، بۆ نموونە مرۆڤێ نوكە حەزدكەت كێمتر پوستەكێ ئێك خۆلەك زانیاری و كەیفخۆشی بگەهیتێ و هەردیسان كۆمپانی پێشەنگیێ ددەتە ڤیدیۆیێن زووتر بەلاڤ دبن ژپوستەكی، بەلێ ل ڤێ دووماهیێ ئنستگرامی پیچەكێ سیاسەتا خوە گوهاڕتیە هەر پێشەنگی رێلزێ دایە پوستی.
هەروەسا گۆت: نەشێم ئەوێ رێژێ دەستنیشانكەم كا خەلك پتر بینەرێ كیژ تورا جڤاكی یە، بەلێ دێ وێ دیار كەم ل تورا تیكتۆك و ئەنسترگرامی كا چەند خەلك بینەریا پوستێن من دكەن بگشتی ئەڤ هەردوكێن من گۆتین نوكە د پێشەنگیێ دانە ل گەل فێسبووكی و تورا فێسووكی گەلەك بكارنا ئینن بتنێ چینا كەسێن ب ژی ڤە مەزن بۆ بابەتێن فەرمی بكار دئینن و ل كوردستانێ پتر گەنج تورا ئنستگرام سناپچاتی بۆ پتر ناڤەرۆكێن جوانكاری و مودێل و ستایلێن ژیانێ و خارن چێكرن و چاڤدێرێن ساخلەمی كو سەرنجا وان ب راكێشن و دبینم ئنستگرام سەركەفتنی تر كو ڤیدیۆ زویتر بەلاڤ دبیت بۆ گەهشتنا بەرفرەه دبێژنێ(ئورگانیك ریچ) ئەڤە ژی ژ بۆ ئەوێ چەندێ یە بینەرەكێ نوو ل خوە كومڤەكەی و نووكرنا ناڤەرۆكەكێ ب رێیا رێلزا سناپچات بهێزترە بوو بینینا بینەرێ مرۆڤی یێ رۆژنە یێ بەردەوام.
