نێزیكی 25 سالانە مالا خۆ كریە پەرتووكخانە
بێوار حەمدی
شەهاب ئەحمەد بۆتانی، مەدیاكار و ئاكنجیێ قەزا بەردەرەشە، د دیدارەكێ دا بۆ رۆژنامەیا ئەڤرۆ گۆت: ئەڤە (22) سالن ئەز دبۆارێ راگەهاندنێ دا كاردكەم و من ل هژمارەكا دەزگەهێن راگەهاندنێ كاركریە و نوكە گۆتار و بابەتێن رۆژنامەڤانی دناڤ وێبسایتان دا بەلاڤ دكەم و ئەز هەلگرێ باوەرناما دبلۆمێ مە دبۆارێ راگەهاندنێ دا.
هەروەسا گۆت: ژئەگەرێ نەبوونا پەرتووكخانەیا گشتی ل قەزا بەردەڕەش ئەڤە نێزیكی (25) سالانە من مالا خۆ كریە پەرتووكخانە و رۆژانە خەلكەك ب تایبەت ژی قوتابی سەرەدانا پەرتووكخانێ دكەن و مفای ژ پەرتووكێن ناڤدا وەردگرن و خۆشحالم بڤێ چەندێ چنكو بڤێ رێكێ دشێم خزمەتا خەلكێ دەڤەرێ، ب تایبەت ژی قوتابی و خواندەڤانان دكەم و ئەڤە نێزیكی سالەكێ مە مژوولی خۆ ئامادەكرنێ مە بۆ ڤەكرنا پەرتووكخانەیا مەزنتر.
