هونەر زمانەكێ گشتگیرە و هەموو كەس دشێن تێبگەهن
هیڤی كەریم
شێوەكارا گەنج (سارا شەعبان عومەر) كو ژ دەڤەرا سێمێلێ یە و نوكە قوتابیا پەیمانگەهێ یە، د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ چێكرنا وێنەیان دكر و مال ژی، ب تایبەت بابێ من دهاریكاربوون، لەورا دەمێ دەلیڤە هاتی من دەستپێكر و ب كارێ خۆ یا دلخۆشم.
هەروەسا گۆت: ئەز دوێ باوەریێ دا مە كو هونەر زمانەكێ گشتگیرە هەموو كەس دشێن تێبگەهن و دەمێ مرۆڤ بەرێ بەرێ خۆ ددەتە كەڤالەكی هەست پێ دكەت كو یێ دناڤ ژیانەكا نوو دا، بۆ زانین من پشداری د هژمارەكا پێشتنگەهان، هەروەسا هژمارەكا خولان دا كریە، ژبۆ هندێ كو ئاستێ خۆ یێ هونەری باشتر لێ بكەم و یا من دڤێت ب رێكا رەنگان بگەهینم، بۆ زانین پتریا كەڤالێن من ل دۆر ژینگەهێ نە و ئەز هەردەم دشێین ژینگەها جوانا كوردستانێ بكەینە پشكەك ژ كەڤالێن خۆ و هەردەم ئەز دبێژم مە شێوەكارێن باش ل كوردستانێ هەنە، لێ پێدڤیە پتر گرنگی ب كەڤالێن وان بهێتە دان و ئەز نوكە یا خۆ بەرهەڤ دكەم دا پێشانگەهەكا تایبەت ل سێمێلێ ڤەكەم و ئارامانجا من ئەوە وەك شێوەكارەك ناڤێ خۆ، هەروەسا دەڤەرا خۆ بلند راگرم.
