هونەر ڤەگوهاستنا هەستایە بۆ سەر كاغەزێ
هەرهین محەمەد
شێوەكارا گەنج (ئەلینا عەبدولقادر) د دیدارەكێ دا بۆ رۆژنامەیا ئەڤرۆ گۆت: هەرژ زارۆكینی حەزا وێنەكێشانێ ل نك من هەبوو، یە ب تایبەتی وێنەیێن كەسوكی و ئەو حەزە ل گەل من مەزن بوو بۆ پالدەرەك ئەز هەردەم سەروچاڤان دچیرۆكەكێ دا بینم و راستە مۆبایل و كامیرە دشێن وێنەیان بگرن، بەلێ دەستێ مرۆڤی بتنێ دشێت روحێ بدەتە ئەوی وێنەی یێ كو دناڤ چاڤێن مرۆڤی دا هەی، لەورا من پتر داكوكی ل سەر وێنەیێن كەسوكی كریە و خەلك ژی گەلەك حەزژ ئەڤی جۆرێ ستایلی دكەن و ژ من داخاز دكەن.
ناڤهاتیێ گۆت: بەری ئەز دەست ب وێنەی بكەم بۆ دەمەكێ درێژ بەرێ خۆ ددەمە وێنەی دكە م دا بمینتە دمێشكێ من دا و بزاڤێ دكەم بزانم كا ئەو كەسە یێ خەمگینە، یان بهێزە، یان ب ئومێدە و ئەڤ چەندە درێیا سەروچاڤان دا دیار دبیت، چونكو هونەر نە بتنێ كوپیكرنا وێنەی یە، بەلكو ڤەگوهاستنا هەستایە بۆ سەر كاغەزێ و وەكو كچەك، جاران دەم و جه ئاستەنگن، بەلێ پشتەڤانیا خێزانێ و خەلكی گەلەك یا گرنگە و پەیاما من بۆ هەر گەنجەكی/ێ، ئەوە دەست ژ خەونا خوە نە بەردەت وێنە كێشان تاقیكرن و ماندی بوونە و هەرشكەستنەك دكێشانا وێنەكی دا پێنگاڤەكە بەرب سەركەفتنێ.