هەرچار وەرزێن سالێ داخوازی ل سەر جلكێن كوردی هەیە
سندس سالح سلێڤانەیی
نەهلا حەبەش جەرگیس، ژنەكا خەلكا دهۆكێ یە، بۆ دەمێ (25) سالانە كارێ دیزاینكرن و دروینا جلكێن كوردی یێن ژنان دكەت، د دیدارەكێ دا بۆ رۆژنامەیا ئەڤرۆ دبێژیت: دژیەكێ بچووك دا ئەز ڤی كاری ژ دایكا خۆ فێربووم، پشتی دەلیڤە هاتی من ل مال كاردكر، لێ ئەڤە دو سالن من جهەكێ تایبەت ب ناڤێ كچا خۆ (لۆلاڤ) ڤە كریە و هیڤیا من ئەوە ل پاشەرۆژێ بشێم جهەكێ مەزنتر ڤەكەم و گەلەك كچ و ژنان ل دەف خۆ بدەمە كاری.
هەروەسا گۆت: د هەرچار وەرزێن سالێ داخوازی ل سەر جلكێن كوردی هەیە، ب تایبەت ژی ل هەردو جەژنان و نەورۆزێ و سالانە مۆدیل و ستایل دهێنە گوهۆڕین ب تایبەت یێن بەرسنگان و تە هند دیت بۆ دەمەكی جۆرەكێ مودێلا بەرسنگان بۆ ترێند و خەلكەكێ زۆر حەزژێكرن، بۆ زانین ژبلی دروارێ ئەز گەلەك حەزژ چێكرنا خوارنان ژی دكەم.
