هەر كارەكێ مرۆڤی حەز ل سەر هەبیت دێ ب سەركەڤیت
عایشا عەجیب
هیڤی سالح محەمەد، ژنەكا دەستڕەنگینا خەلكا دهۆكێ یە، د دیدارەكێ دا بۆ رۆژنامەیا ئەڤرۆ دبێژیت: دژیەكێ بچووك دا من حەزژچێكرنا كارێن دەستی دكر و ل دەستپێكێ ئەز ژ دایكا خۆ فێربووم، پاشان ب رێكا یوتیۆپی و خۆلێن فێربوونێ من بەردەوام دایێ و ئەڤە (11) سالن ڤی كاری دكەم.
هەروەسا گۆت: بۆ من گەلەك هەستەكێ خۆشە دەمێ (كولاڤ و كراس و ئێكسسوارات) و گەلەك كارێن دی یێن دەستی چێدكەم و بۆ كارێن من خێزانا من گەلەك د هاریكار و پشتەڤانن و هەردەم ئەز دبێژم هەر كارەكێ مرۆڤی حەز ل سەر هەبیت دێ ب سەركەڤیت، چنكو هەر كارەكێ حەز و بەردەوامی هەبیت نهێنی و سەركەفتنا هەموو كارانە، لەورا داخوازێ ژوان كچ و ژنان دكەم ئەوێن ئەڤ حەزە هەبیت و د مالدا درونشتی نە بلا بهێت دەستپێبكەن ل دووماهیێ دێ ب سەركەڤن، بۆ زانین ئەز بەرهەمێن خۆ ب رێكا ئۆنلاین دفرۆشم و ب داهاتێ وان هاریكاریا مالا خۆ ژی دكەم و بۆ پاشەرۆژێ ژی من دڤێت كارێ خۆ بەرفرەهتر لێ بكەم.
