هەر گولەكێ زمانەكێ تایبەت هەیە
بێوار حەمدی
ئیمان محەمەد، كچەكا گولفرۆشە، د دیدارەكێ دا بۆ رۆژنامەیا ئەڤرۆ دبێژیت: ئەو دەمەك بوو من حەزژ كارێ چێكرن و فرۆتنا گولا دكر و من حەزدكر رۆژەك بهێت من جهەكێ تایبەت هەبیت و پشتی من زانكۆ ب دووماهی ئینای من ئەڤ دكانە ڤەكر و ئەز پتریا دەمێ دگەل گولا دبۆرینم.
هەروەسا گۆت: ل دەف من هەر گولەكێ زمانەكێ تایبەت و چیرۆكا خۆ و رامانەكا تایبەت هەیە، ئەو ژی زمانێ دلان و وەفاداریێ یە، هەروەسا جوانترین رێكا دەربڕینا هەستێن كویرە، لێ مخابن ژبەر ڕەوشا نوكە بازاڕێ كڕین و فرۆتنا گولا بگشتی وەكو بەرێ نەمایە، هەروەسا ژبەر زێدەبوونا گولخانەیان ژی، بۆ زانین پتر داخوازی ل سەر گولێن سور و سپی هەیە، ژبەركو یا سور هێمایێ ئەڤینداری و دلسۆزیێ یە و یا سپی ژی هێمایێ رێزگرتن و پاقژیێ یە.
