وه‌زيرێ ناڤخۆ: بێ سه‌روشوون بوويى نه‌ماينه ساخ
ئه‌ڤرۆ نيوز:
د دووڤچوونه‌كا په‌رله‌مانێ كوردستانێ دا بۆ ئه‌و كه‌سێن ل هه‌رێما كوردستانێ بێ سه‌روشوون بووين، وه‌زيرێ ناڤخۆ يێ حوكمه‌تا هه‌رێمێ دبێژيت: ئه‌و كه‌س نه‌ماينه د ژيانێ دا.
سۆران عومه‌ر، سه‌رۆكێ لژنا مافێ مرۆڤى ل په‌رله‌مانێ كوردستانێ ل په‌يجێ تايبه‌ت يێ خوه نڤيسيه: حوكمه‌تا هه‌رێما كوردستانێ دانپێدان ب وێ چه‌ندێ كريه كو ئه‌و كه‌سانێن بێ سه‌روشوون بووين ل هه‌رێما كوردستانێ نه‌ماينه ساخ.
ده‌رباره‌يى دووڤچوونا خوه دبێژيت: “د چارچۆڤێ دووڤچوونا من دا بۆ دياركرنا چاره‌نڤيسێ وان كه‌سێن بێ سه‌روشوون بووين، وه‌زيرێ ناڤخۆ يێ حوكمه‌تا هه‌رێما كوردستانێ ب فه‌رمى دانپێدان ب وێ چه‌ندێ كريه كو هه‌موو ئه‌و بێ سه‌روشوونێن ل هه‌رێما كوردستانێ هه‌ين نه‌ماينه ساخ و داخوازێ ژ په‌رله‌مانێ كوردستانێ دكه‌ت كو بڕياره‌كێ ده‌ربكه‌ت دا كو ب شه‌هيد بهێنه نياسين و خێزانێن وان ژى ماف و ئيمتيازاتێن كه‌سوكارێن شه‌هيدان پێ بهێنه دان”.
