وژدانا مرۆڤاتیێ ل دەف خەلكێ مە یا زیندی یە
بێوار حەمدی
سیهاد تەتەر، دەرهێنەرێ بەرنامەیێ (كارڤەدان) یێ بەرنیاس ب كامیرەیا ڤەشارتی، د دیدارەكێ دا بۆ رۆژنامەیا ئەڤرۆ گۆت: ئەز نوكە ل وەلاتێ بەلجیكا دژیم، لێ رح و هزرا من هەر ل كوردستانێ یە، سەبارەت چێكرنا بەرنامەیێ (كارڤەدان) ژی، ژ داهێنان و هزرا من بوویە و ئارمانجا من ژڤی بەرنامەی ئەوە كو ب رێیا كامیرەیا خۆ پەردێ ل سەر مەردینی و رەوشت بەرزیا بێ وێنە لابدەم یا كو د دلێ هەر كوردەكی دا و من دڤێت سەرو سیمایێ دروستێ مللەتێ خۆ بكەمە چیرۆكەكا جیهانی.
هەروەسا گۆت: مەزنترین خۆشیا ڤی بەرنامەی بۆ من ئەوە دەمێ دبینم وژدانا مرۆڤاتیێ ل دەف خەلكێ مە هێشتا یا زیندی یە و دەمێ مرۆڤەكێ دەستكۆرت هەموو تشتان پێشكێشی كەسەكێ ژخۆ دەستكۆرتر بكەت و ئەڤە مەزنترین خەلاتە بو من.
