وێنەگرەكێ كورد خەلاتەك ل ئەمریكا وەرگرت
زنار تۆڤی
ئیبراهیم عەلی پوور، كو ئێك ژ هونەرمەند و وێنەگرێن دیاریێن رۆژهەلاتێ كوردستانێ یە، ب فوتۆستۆریێ (فیشەكان چ سنۆر نینن) پشكداری د هەڤڕكیا (زیك) دا كریە ل ئەمریكا و بوویە سەركەفتیێ ئێكێ.
ناڤهاتی، بۆ رۆژنامەیا ئەڤرۆ دبێژیت: ئەڤ هەڤڕكیە چەندین سالن ل ئەمریكا دهێتە كرن، یا تایبەتە ب وان كەسان ڤە یێن كو ب پرۆفشینالی كاری ل سەر فوتۆستۆری دكەن و كۆمەلە چیرۆكەكێ ب فوتۆیان ڤە دگێڕن، ئەڤ هەڤڕكیە ئێكە ژ زەحمەترین هەڤڕكیێن فوتۆگرافی د جیهانی دا، بۆ زانین ئەڤە (12) سالن ئەز كاری ل سەر ڤێ چیرۆكێ دكەم، هەروەسا خەلاتێ (زیك) بتنێ سەركەفتیەك هەیە و پلا دویێ و سێیێ نینە.
هەروەسا گۆت: ب دەستڤەئینانا خەلاتێ (زیك) ژلایێ منڤە جهێ گرنگی پێدانا گەلەك مەدیایێن جیهانی، ب تایبەت یێن ئورۆپی و ئەمریكی، ژوانا (گاردن و نیویۆرك نایمز)
ناڤهاتی، ژدایكبوویێ سالا (1989) یە، ل باژێرێ بانە ل رۆژهەلاتێ كوردستانێ، ئەڤە چەندین سالن كارێ فوتۆستۆری دكەت و پشكداری د هژمارەكا فەستیڤالێن ناڤخۆی و جیهانی دا كریە و چەندین خەلات وەرگرتینە.
