پتر حەز ژ چێكرنا وێنەیێن مرۆڤان دكەت
سندس سالح سلێڤانەیی
شێوەكار(جومعە عەلی) د دیدارەكێ دا بۆ رۆژنامەیا ئەڤرۆ گۆت: دەمێ ئەز قوتابی ل قوناغا بنەرەتی من حەزژ چێكرنا وێنەیێن مرۆڤان دكر و هەردەم وێنەیێن هەڤالێن خۆ یێن قوتابی دكرن و ماموستا و هەڤالێن من ئەز هاندانم كو بچمە پەیمانگەها هونەرێن جوان بخوینم و پشتی من پولا نەهێ ب دووماهی ئینای ئەز چوومە پەیمانگەهێ و پشتی من پەیمانگەه ب دووماهی ئەز چوومە كولیژا هونەرێن جوان ل زانكۆیا دهۆك و پەیمانگەه و زانكۆیێ ئەز فێری كارێ ئەكادیمی كرم، لەورا هەتا نوكە یێ بەردەوامم.
هەروەسا گۆت: هەتا نوكە ژی بەردەوام ئەز وێنەێن سەروچاڤێن مرۆڤان، كو دبێژنێ (پورترێت) چێدكەم و خەلكەك وێنەیێن خۆ یان زاڕۆكێن خۆ بۆ من فرێدكەن و ئەز بۆ وان چێدكەم و هیڤیا من ئەوە رۆژەك بهێت ئەز ژی ل دووف شیانێن خۆ بشێم خزمەتا هونەرێ كوردی بكەم.
