پێدڤیه هه‌موو خانمێن مودێرن ڤان یاسایان بزانن
ئه‌ڤرۆ،
ل گه‌ل گوهۆرینێن سالان گوهورین د یاسایێن ئه‌ته‌كێتان ژی دا روو دده‌ن، هنده‌ك یاسایێن نوو هاتینه دانان و هنده‌ك یاسا ژی هاتینه لادان، چه‌ند یاسایێن ئه‌ته‌كێتێ هه‌نه كو پێدڤیه هه‌موو خانم بزانن ئه‌و ژی ئه‌ڤه‌نه:-
1.ده‌مێ تو ل سه‌ر كورسیێ د روونیه خوار، پال نه‌ده كورسیێ، باشتره ڤالاتیه‌ك دناڤبه‌را ته و پشتا كورسیێ هه‌بیت.
2.نه‌ترسه ژ كاركرنێ و ئه‌وی كاری بكه یێ كو تو ل گه‌لدا هه‌ست ب ئارامیێ و دلخوشیێ دكه‌ی.
3.یاسایێن میكیاژ كرنێ په‌یره‌و بكه، هه‌كه پشتا چاڤێن ته ره‌نگه‌كێ توخ بن، سوراڤه‌كا ره‌نگ ڤه‌كری بدانه، لێ هه‌كه ره‌نكێ پشت چاڤێن ته یێ ڤه‌كری بیت سوراڤه‌كا توخ بدانه.
4.رێزێ ل خوه و ده‌مێن خوه بگره، هه‌كه مێڤانه‌ك هات بێی كو ته ئاگه‌هدار بكه‌ت، نورماله هه‌كه ته ب جلكێن ئاسایی و پرچێ نه رێك و پێكڤه ببینیت، مه‌رج نینه تو مێهڤانێن خوه بتنێ بهێلی داكو میكیاژی بدانی.
5.موبایلا خوه نه دانه سه‌ر مێزێ ل جهێن گشتی، باشتره سه‌رنجا ته ل سه‌ر كه‌سێن ده‌وروبه‌ر بیت.
6.ده‌مێ تو ل گه‌ل كه‌سه‌كی دئاخڤی مه‌رج نینه راسته‌وخو به‌رسڤێ بده‌ی، به‌لێ ده‌مێ تو به‌رسڤێ دده‌ی گه‌له‌ك به‌رسڤێ گیرو نه‌كه، گه‌له‌ك دره‌نگ به‌رسڤدانا كه‌سێ به‌رامبه‌ر كاره‌كێ ب رێز نینه.
7.ده‌ستێن خوه نه‌دانه سه‌ر ته‌نشتا خوه، راسته مروڤ هنده‌ك ده‌ما تووشی ئه‌ڤی بارودوخی دبیت كو نزانیت ده‌ستێن خوه دێ چ لێكه‌ت، باشتره ل وی ده‌می ده‌ستێن خوه بدانیه سه‌ر ئێك.
8.زێده‌گاڤیێ د ب كارئینانا په‌یڤێن خوه‌دا نه‌كه و پێدڤی ناكه‌ت د ئێك نامه‌دا بێژی (سوپاس، هیڤی دكه‌م)، ئانكو ب هشیاری په‌یڤێن خوه هه‌لبژێره.
9.هه‌كه كه‌سه‌ك ب ناڤێ ته گازی نه‌كه‌ت، لێ نه زڤره، بتایبه‌تی هه‌كه ب (هێی، تو) گازی ته كر، به‌لێ هه‌كه ب په‌یڤا (ببوره، ب هاریكاریا ته) گازی ته كر نورماله به‌رسڤێ بده‌ی و لێ بزڤری.
