پێدڤیە مۆزیكژەن گوهداریا سترانێن كلاسیك و سەردەم بكەت
بێوار حەمدی
مۆزیكژەن (قەیس ئەنوەر) د دیدارەكێ دا بۆ رۆژنامەیا ئەڤرۆ گۆت: حەزژێكرنا من بۆ مۆزیكێ بۆ بەری چەندین سالان دزڤڕیت و پشتی دەلیڤەهاتی من دەستپێكر و ئەڤە (14) سالن ئەز ئۆرگێ دژەنم.
هەروەسا گۆت: هەر چەندە ئەز (ئۆرگێ و پیانۆیێ) بتنێ دژەنم، لێ من شارەزای د ژەنینا گەلەك ئامیرەیێن مۆزیكی دا هەیە، چنكو ئەز قوتابیێ پشكا مۆزیكێ مە ل پەیمانگەها هونەرێن جوان و گەلەك یا گرنگە مۆزیكژەن یێ ئەكادیمی بیت، هەروەسا گەلەكا گرنگە مۆزیكژەن بەردەوام راهێنان بكەت، دا بشێت نوویاتیان د كارێ خۆ دا بكەت، هەروەسا رەخنێ قەبوول بكەت و گوهداریا سترانێن كلاسیك و سەردەم بكەت، هەروەسا دەربارەی وی مفایێ وەك پارە دگەهیتە مۆزیكژەنی ئەڤە ل دووف شیانێن وی دمینیت.