پەیامنێری خەونا من یا زارۆكینیێ بوو
بێوار حەمدی
محەمەد حەسەن، پەیامنێرێ دجیتال مەدییا ئاژێر پرێس، ل سنۆرێ قەزایێن شێخان و بەردەرەش، د دیدارەكێ دا بۆ رۆژنامەیا ئەڤرۆ گۆت: ل دەستپێكێ من گۆتار دنڤیسین، لێ ژبەركو پەیامنێری خەونا من یا زارۆكینیێ بوو، ئەز بوومە پەیامنێرو ژبلی پەیامنێریێ ئەز چو كارێن دی ناكەم، ژبەركو ئەز گەلەك پێڤە هاتیمە گرێدان و دێ یێ بەردەوامبم.
هەروەسا گۆت: گەلەكا گرنگە پەیامنێرێ دەمێ مایكێ هەلدگریت خۆ بەرهەڤ بكەت و بزانیت دێ چ جۆرێن پرسیاران ژ كەسێ بەرامبەر كەت، چنكو دبیت هندەك پرسیار هەبن ببنە جهێ دلگرانیێ بو كەسێ بەرامبەر و ب دیتنا من هەتا رادەیەكی ئازادیا راگەهاندنێ ل كوردستانێ یا هەی و یا دروست ئەوە هەر كارەكی سنۆرێن خۆ هەبن دا كار باشتر و جوانتر بهێتە ئەنجامدان و یا گرنگ ئەوە پەیامنێر دەنگێ خەلكی ب دروستی بگەهینتە جهێن شۆلەژێ و ب رێكا مایكا خۆ بشێت خزمەتا خەلكی بكەت.
