ژن دكەڤالێن من دا سیمبۆلا هێزا جوانیێ یە
هەرهین محەمەد
شێوەكارا گەنج (ئیسرا جاسم) ددیدارەكێ دا بۆ رۆژنامەیا ئەڤرۆ گۆت: هونەر پارچە نابیت و كەڤال ب دیواری ڤە دهێتە هەلاویستن و كارێ دەستی ژی هونەرەكی دكەتە دناڤ ژیانا مە یا رۆژانەدا و ئەز بكارئینانا رەنگان دكارێ دەستی دا وەكو ڤەگوهاستنا كەڤالی دبینم بۆ سەر تشتێن بەرجەستە و ئەڤەژی داهێنانێ دەولەمەنتر لێ دكەت ودیسان مەزنترین هەڤڕكی بۆ دیتنا دەمی پێدڤییە بۆ هەڤسەنگیكرنێ دناڤبەرا ئەركێن جڤاكی و كارێ هونەری دا، هەروەسا هندەك جاران بازاڕێ هونەری ل دەڤەرێ هێشتا ب تەمامی قەدرێ ماندیبوونا كارێ دەستی ناهێتە زانین، بەلكو ئەز ب ئیرادەیا خوە یا بەردەوامم.
ناڤهاتیێ گۆت: ژن د كەڤالێ من دا سومبۆلا هێزا جوانیێ یە و ئەز پتر رەنگێن گەش بكاردئینم داكو نیشابدەم كو ژن دشێت دناڤ خەم و ئازارێن ژیانێ ب رەنگیت و هەرهێلەكا ئەز بكێشم چیرۆكەكا ئیرادەیا ژنەكێ ل پشتە و هزرا من ئەوە پێشانگەهەكا تایبەت ڤەكەم كو تێكەلەكێ دناڤبەرا كەڤالێ كلاسیك و كارێ دەستی یێ مودرێن داد روست بكەم و من دڤێت نیشابدە م كو هونەر بتنێ وێنە نینە ، بەلكو روحەكا دناڤ هەرتشتەكی دا هەی كو دەستێ مرۆڤی ڤێ بكەڤیت.