گرنگە ئەڤ جۆرە ئاوازە بهێنە نووكرن
رەمەزان زەكەریا
سترانبێژ (بۆكان هەورامی) نووترین سترانا خۆ ب ناڤێ (دەنگی یار) ب شێوێ ڤیدیۆ كلیپ بەلاڤكر كو ژ كارێن نوو یێن فولكلۆری یێن دەڤەرا هەورامانێ یە.
ناڤهاتی، بۆ رۆژنامەیا ئەڤرۆ گۆت: ئاوازا ڤێ سترانێ یا فولكلۆرێ هەورامانە و پشكەك ژ هەلبەستێ ژی فولكلۆرە و پشكا دی ژلایێ هەلبەستڤان (ئەژدەر خامۆش) ڤە هاتیە نڤیسین و عەلی عەتا كاری مۆزیك و تۆماركرنێ بۆ كرییە، دگەل ژەنینا عودێ ژلایێ رەوەند كەمال و دەف و زەڕب ژ لایێ جەنگین جەمال ڤە و كارێ بلۆر سەنتۆر ڤایۆلین و كەمانچێ ژی هەر عەلی عەتا ئەنجام دایە كارێ ڤیدیۆ كلیپێ ژی ژ لایێ ڤینۆ گرووپ ڤە هاتیە بجه ئینان و بۆ من گەلەك یا گرنگە ئەڤ جۆرە ئاوازە بهێنە نووكرن دا كو نڤشێ نوكە گوهـ لێ ببیت و د ناڤ خەلكی دا بەلاڤ ببن و نەمرن لەورا هەر وەرزێ بهارێ ئاوازەكا فولكلۆری یا هەورامان دئینم و كاری ل سەر دكەم.
