کچ و کور به‌رى هه‌ڤژينيێ پێك بينن دێ چنه خولێن پێگه‌هاندنێ
ئەڤرۆ نیوز ، نەوزاد هلوری:
ل گۆرەی پروژەیەکێ وەزارەتا ساخلەمیێ و رێکخراوێن مافێ ژنان، هەر کچ و کورەکێ بخوازن کو بچنە د هێلینا زێرین دا، پێدڤی یە پشکدارى چەند خولەکێن جڤاک، ئابووری ، قانونی، هوشیاری و ساخلەمیێ بیت و ئەڤ یەک ژی ب نەچاری یە.
خالس قادر ئاخفتکەرێ وەزارەتا ساخلەمیێ یا حکومەتا هەرێما کوردستانێ دیارکر کو ل دووڤ پروژەیەکێ وەزارەتا ساخلەمیێ و رێکخراوێن بەرەڤانیکرن ژ مافێن ژنان هەر کەسێ بچیتە د هێلینا زێرین دا پێدڤی یە چەند پشکدارێن هوشیاری، ساخلەمی، جڤاکی، ئابووری و قانونی بیت و گۆت: (د نها دا ئەڤ پروژە ل سلێمانیێ دهێتە بجهکرن و دخوازین کو ل دەمەکێ نێزیک پروژە ل هەموو کوردستانێ بهێتە بجهکرن).
ل دووڤ ئاخفتنێن ناڤبری، د نها دا تنێ ئەو کەسانێن دچنە د پروسەیا هەڤژینیێ دا چەند پشکنین بۆ دهێنەکرن و زێدەتر بۆ دواروژ گۆت: (پشکداریکرنا وان کەسان ب نەچاری یە ، مەرەم ژی ئەوە کو توندوتیژی و بەردانا هەڤژینیێ بهێتە کێمکرن).
