چه‌ند رێیەکێن ب ساناهی بۆ هندێ کو تۆ ژ کارێ خۆ بێزار نه‌بی
ئەڤرۆ نیۆز ، زنار تۆڤی:
دەمێ تۆ ل جهێ کارێ خۆ د روونی و ماوه‌کێ درێژ ل بەر كۆمپیوته‌ری دمینی، بێگومان دێ بێزار بی و دێ لەشێ تە ژی ماندی بیت، به‌لێ تۆ دشێی ب چه‌ند رێیان خۆ ژ وێ بێزاریێ رزگار بكه‌ی.
مالپەرێ “فۆشیا” چه‌ند خالێن گرنگ بەرچاڤ کرینە بۆ وان كه‌سێن دڤێن،کو ل جهێ کارێ خۆ بێزار نه‌بن و گەلەک د چالاک بن،ئەو چالاکی ب ڤی رەنگێ ل خوارێ نە:
.تۆرێن جڤاکی و پەرتووک:
هه‌ولبده ل وی دەمێ تۆ بێزار دبی ژ کارێ خۆ، ده‌ست ب خواندنا پەرتووکان بكه، یان ژی گەریانەکێ دناڤا تۆرێن جڤاکی دا بکە و تامێ ژ نووچە و زانیاریێن نوو وه‌ر بگره.
.کارەکێ نوو بكه:
به‌رده‌وام ل دووڤ زانیاریێن نوو بگه‌رە ل سه‌ر كارێ خۆ، هه‌ولبده نوویاتیا تێدا بكه‌ی، بۆ هندێ کو تۆ شیان و لێهاتیا خۆ بۆ رێڤەبەرێ خۆ ب سه‌لمینی و خۆ ژی ژ وێ بێزاریێ رزگار بكه‌ی.
. تشتێن جیاواز ئه‌نجام بده:
وان کاران بكه یێن کو دوور ژ رۆتینیاتێن كارێ تەیێ رۆژانە بن، بۆ نموونه هەرە باخچێ وی جهێ تۆ لێ کار دکەی و ئاڤ بده، یان چه‌ند یاریێن ساده ل گه‌ل هەڤالێن خۆ بكه و بێزاریا خۆ پێ ب ڤە رەڤینە.
. پەیاسان بكه:
دەستویریێ ژ رێڤەبەرێ خۆ وه‌ربگره،پاشی ل ناڤا كۆلانێن جهێ كارێ خۆ پەیاسه‌کا كورت بكه، بۆ هندێ کو تۆ دیمه‌نێن تازه ببینی و خۆ ژ ماندیبوونێ رزگار بکەی.
.مۆزیك:
جار جاران گوهداریا مۆزیكەکێ یان سترانەکا خۆش بکە، بۆ هندێ کو تۆ مێشكێ خۆ ژ وەستیانێ رزگار بكه‌ی و ده‌ست ب كاری بكه‌یە ڤه.
. زوو ژ خەو رابە:
بۆ هندی کو تۆ خەوتەوی نه‌بی،هەروەسا مێشكێ تە ل سه‌ر كارێن تە نە ئێشیت و و زوو بێزار نه‌بی، هه‌ولبده نیڤ دەمژمێرێ بەری دەمێ ژ خەو رابوونێ راببی،خۆ ب چه‌ند راهێنانێن وه‌رزشی و نانخوارنێ ڤە مژوول بكه،ب ڤێ چەندێ دێ چالاکیێن تە د وێ رۆژێ هەموویێ دا زێدە بن.
