ب ڤێ تێکەلێ گولچیسکێن خۆ ژ رەمل و بەران پاقژ بکە
ئەڤرۆ نیۆز، تۆڤی:
پاقژکرنا گولچیسکان كارەکێ سەخت نینە و زۆر یا گرنگ و پێدڤیە بۆ جەستەیێ مرۆڤی،تا نوکە دەرمانەک و تشتەکێ دیاركری نینە،کو یێ تایبەت بیت ب پاقژکرنا گولچیسکان ڤە،بەلێ هەولدان بۆ ئامادەكرنا وان خوارن و تێکەلان هەنە،یێن وەكو پاقژکەرەک بكار دهێن،دبنە هاریکارێن بهێز،داکو گولچیسک پاقژ بن و ژ دەست ئازار و نەرحەتیا گولچیسکان رزگار بن.
گولچیسک دو ئەندامێن گرنگن كو ساخلەمیا لەشی ب باشی دهێلن،ب هەبوونا كێشێن گولچیسکان مرۆڤ تووشی چەند كێشێن ساخلەمیێ دبیت، وەك،ئێشانا كۆئەندامێ میزێ، دروستبوونا بەرێن گولچیسکان ئێشانەکا زۆر دروست دکەن،كۆمبوونا ژەهرێ و پاشماوێن كیمیایی یێن هەرسكرنێ د جەستەیدا و نەهاڤێتنا وان بۆ دەرڤە، ئەڤە ژی گرفتێن مەزنن و مرۆڤی ب تەمامی نەرحەت دکەن.
ئاڤا كەرەفسێ بۆ چەندین سەدەیان، وەكو چارەسەریەکا نۆشداری هاتیە بکارئینان،ئێکە ژ گژوگیایێن گرنگ، چەندین ڤیتامین و كانزایێن گرنگ تێدا هەنە و دەولەمەندە ب ژێدەرێ دوو پێكهاتێن خۆارنێ یێن گرنگ،کو بۆ رێگریكرنێ ل گەلەک نەساخیا د گرنگن، وەكو ڤیتامین C ل گەل ڤیتامین A كو هەردو دژی ئۆكسیدەکێ بهێزن و رۆل د گەلەک كێشێن ساخلەمیێ دا هەنە،وەكو رەقبوونا دەمارێن خوینێ، شەكر، ریخۆلێن مەزن،پەنجە شێرێ و بهێن تەنگیێ.
گولچیسکێن خۆ ب ئاڤا كەرەفسێ پاقژ بكە و ب رێیا
ئاڤا كەرەفسێ،ژ ڤان پێكهاتان،تێکەلەکێ دروست بكە،داکو ب تەمامی ژەهرا لەشی ژناڤ بچیت و گولچیسک ژی پاقژ ببن و بەرێن گولچیسکان ژی نەمینن.
پێكهاتە:
ئاڤا ناڤ لیمۆنێ.
دوو كەفچكێن هنگڤینێ سروشتی.
كوپەکێ ئاڤا پاقژ یا سەفاندی.
دەستکەکێ كەرەفسێ.
كەرەفسێ بشۆ و پاشی ب پارچێن مەزن ببرە دناڤا ئاڤێدا بۆ ماوێ 10 خولەكان بکەلینە و پاشی سار بكە، پاشی هنگڤینی و لیمۆنێ بکە تێدا،داکو تاما وێ خۆشتر بیت،پاشی بکە دناڤا ئامانەکێدا کو ب تەمامی یێ داخستی بیت و هەوا تێ نەچیت،هەکە رۆژانە کۆپەکێ یان دو کۆپان ژ وێ تێکەلێ ڤەخۆی،هەروەسا هەکە ماوێ حەفت رۆژان ل سەر ڤەخوارنا وی بەردەوام بی، ب تەمامی دێ گولچیسکان ژ رەمل و بەران پاڤژ کەت و دێ ژەهرێ ژی ژناڤ بەت.
