ژ ئەڤرۆ پێڤە دێ پەنجەشێرێن مه‌ترسیدار ب ساناهی هێنە چاره‌سه‌ر کرن
ئەڤرۆ نیوز ، زنار :
زانایێن زانكۆیا جۆن هۆپكینز یا ئه‌مریكی شیاینە ب رێیا داهێنانێ شێوازەکێ نوو تاقی بکەن،کو رێگریێ ل سه‌رهه‌لدانا هه‌شت جۆرێن پەنجەشێرێ بكه‌ن، ئه‌و ژی بەری کو ئه‌و نیشانێن دەستپێکی یێن ڤێ نه‌خۆشیێ د لەشێ نه‌خۆشیدا ده‌ربكه‌ڤن.
هژماره‌‌ك ژ وان جۆرێن پەنجەشێران گەلەک د کۆژەکن و دیتنا نیشانێن وێ یێن ڤەشارتی ئه‌گه‌رێن مانا نه‌خۆشی ب رێژه‌کا گەلەک بلند د‌كه‌ن.
زانا دبێژن ب تاقیكرنێ ل سه‌ر خوین و جیناتان و پرۆتینێن مه‌ترسیدار یێن ناڤ خوینبه‌ران، هه‌شت جۆرێن پەنجەشێرێ د‌ناڤ جه‌سته‌یێ مرۆڤیدا دیتینەب شێوه‌كێ كو هێشتا ئەو نه‌خۆشیە ل دەستپێکا سه‌رهه‌لدانێیە و ده‌رفه‌ت بۆ چاره‌سه‌ریا نه‌خۆشی ل به‌رده‌سته.
زانایێن زانكۆیا جۆن هۆپكینز دیارکرینە،کو تایبه‌تمه‌ندیا ڤێ تاقیكرنێ ئه‌وه كو هه‌ر كه‌سەک دشێت ب شێوێ سالانه ڤێ تاقیكرنێ ئه‌نجام بدەت و مه‌ترسیێ ل سه‌ر خۆ لابدەت.
هه‌شت جۆرێن پەنجەشێرێ كو وان زانایان پێش سه‌رهلدانێ و ب هووربینیەکا زۆر دیتینە،کو پێکهاتینە ژ پەنجەشێرێن: مالبچیکی،جەگەرێ، پەنكریاسێ، گه‌دێ، بۆریا گه‌دێ، ریخۆلێن مەزن، سیهان و مه‌مكان.
