رێژا ژ دايكبوون و مريێن سالا بۆرى ل دهۆكێ چه‌نده؟
ئه‌ڤرۆ نيوز:
ئه‌ڤرۆ رێڤه‌به‌ريا گشتى يا ساخله‌ميا پارێزگه‌ها دهۆكێ د كونفرانسه‌كى دا، ئامارا خوه يا سالانه يا زارۆيێن ژدايكبووين به‌لاڤ كر و تێدا ئاشكه‌را كر كو نێزيكى 50 هزار زارۆيان ژ دايكبووينه.
ب گۆره‌ى راپۆرتا سالانه يا رێڤه‌به‌ريا گشتى يا ساخله‌ميێ ل پارێزگه‌ها دهۆكێ رێژا ژ دايكبوونێ بۆ هه‌ر هزار كه‌سان گه‌هشتيه 31.9 د ده‌مه‌كى دا رێژا جيهانى يا ژ دايكبوونێ ل سه‌ر ئاستێ جيهانى 19 يه. به‌رامبه‌ر وێ رێژا مرنێ ل پارێزگه‌ها دهۆكێ بۆ هه‌ر هزار كه‌سان 3.7 بوويه، د ده‌مه‌كى دا ل سه‌ر ئاستێ جيهانێ بۆ هه‌ر هزار كه‌سان هه‌شت كه‌سه.
ل دووڤ ڤێ ئامارێ ل سالا بۆرى ل پارێزگه‌ها دهۆكێ 48 هزار و 274 زارۆ ژ دايكبووينه. د ده‌مه‌كى دا كو ل سالا بۆرى پێنج هزار و 575 كه‌سان گيانێ خوه ژ ده‌ست داينه.
هه‌ر ب گۆره‌يى ئامارێ ژمارا کەسێن دبن ژیێ ئێک سالیێ دا گیانێ خوە ژ دەست داین، دگەھيتە 831 زارۆيان، ئەو کەسێن د ژیێ پێنچ سالێ دا مرین پتر ژ چار هزار و 525 کەسان.
ل پارێزگەھا دھۆکێ 13 نەخۆشخانه ھەنە و هزار و 595 تەخت بۆ خزمەتکرنا نەخۆشان یێن ھاتینە دانان.
ده‌رباره‌ى ئامارێن رێژا ئاوارێن گيانێ خوه ژ ده‌ست داين ژى راگه‌هاند كو ل دھۆکێ 980 ئاواران گیانی خوە ژ دەست داینە.
