بۆ ئه‌وێن حه‌ز دكه‌ن كو جێمك هه‌بن
ئه‌ڤرۆ نیوز ، نه‌وزاد هلۆرى:
دكه‌ڤن دا دهاته گوتن كو هنده‌ك جورێن خوارنان هه‌نه ته‌مامكه‌رێن ئێكن و دبیته سه‌ده‌م كو ژنا دوو گیان جێمك په‌یدا ببیت، و به‌لێ ژ روویێ زانستى ته ئه‌ڤ یه‌ك نه‌یا باوه‌رپێكریه ، و ئه‌ڤێن ل خوارێ هنده‌ك زانیاریێن ده‌ستپێكى نه ژ بوو وان كه‌سانێن كو حه‌ز ل جێمكان هه‌یى.
1- پێدڤى یه هه‌ر ژنه‌كا دوو گیان زانیارى لسه‌ر مێژوویا خێزانیا خوه هه‌بیت ، و هه‌ر ماله‌كا پێشتر جێمك هه‌بیت بو نموونه داپیر ، دایك ، ده‌لیڤه هه‌یه كو بوكا وان ژى جێمك هه‌بیت ، و ئه‌ڤه لسه‌ر دایك و بابێن هه‌ردوو هه‌ڤژینان دهێته دووباره‌كرن.
2- ئافره‌تێن كو سه‌نگا وان گران ئانكو یێن قه‌له‌و زێده‌تر ده‌لیڤه یا هه‌یى كو دوو گیانیا وان ببیته جێمك ، ئه‌ڤه سه‌ره‌راى كو قه‌له‌وى بو زاروكبوونێ یا باش و گونجاى نینه و كارتێكرنێ ل زاروكبونێ ژى دكه‌ت.
3- خوارنا فێقى و كه‌سكاتى و شیریناهیان دبیته هاریكار كو ژنا دوو گیان جێمك په‌یدا ببیت ، به‌لێ نابیت ژ ئاسته‌كێ ئه‌و بهێنه خوارن كو ببیته سه‌ده‌م كارتێكرن لسه‌ر ساخله‌میا وێ و زاروكێ وێ بكه‌ت ب تایبه‌تى شیریناهى.
4- ناڤه‌راستا ژیێ 30 سالێێ ده‌لیڤه‌كا مه‌زن بو ژنان دده‌ت كو جێمك په‌یدا ببیت ژبه‌رڤێ ئه‌و كچ و كورێن حه‌ز دكه‌ن جێمك هه‌بن پێدڤى یه به‌رى ژیێ 30 سالیێ خێزانێ پێكبینن.
5- هه‌ندى ژنێ زاروك هه‌بن ، ده‌لیڤه زێده‌تره بو جێمكى.
6- هه‌ر ئێك ژ ره‌هێن هولونیاس ، گیایێ مه‌لاك ، جوتوكولا ، ره‌هێن عره‌قسوس و یامیێن ده‌ریایى بو جێمكبوونێ گه‌له‌ك گرنگن كو بهێنه خوارن ، به‌لێ ئه‌گه‌ر ژنه‌ك یا نه‌ساخ بیت نابیت ره‌قسوسێ بخوه‌ت ، دیسان خوارنا زه‌ركا هێلكێ ، وخوارنێن ده‌ریایى مینا ماسى و دیسان خوارنا هنگڤینى و زه‌نجه‌بیلێ ژى هاریكاره كو ژنێ جێمك هه‌بیت.
