ئه‌ردۆگان به‌حسێ كوشتيێن له‌شكرێ توركى ل شه‌رێ عه‌فرينێ دكه‌ت
ئه‌ڤرۆنيوز:
سه‌رۆكێ توركيا، ره‌جه‌ب ته‌يب ئه‌ردۆگان، ئه‌ڤرۆ ئێكشه‌مبى 28/1/2018، راگه‌هاند، ل ده‌ستپێكا شه‌رێ عه‌فرينێ وهه‌تا نوكه 20 كه‌س يێن هاتينه كوشتن كو هه‌فت ژوان سه‌ربازێن توركى نه.
ئه‌ردۆگانى د كۆمبوونه‌كا ئه‌ندامێن حزبا داد وگه‌شه‌پێدانێ (ئه‌كه‌په) ل باژێرێ ئاماسيا يێ توركى گۆت” هه‌تا نوكه ل شه‌رێ عه‌فرينێ 20 كه‌س يێن هاتينه كوشتن كو هه‌فت ژوان سه‌ربازێن له‌شكرێ توركى نه ويێن دى ژله‌شكرێ سوورى يێ ئازادن”.
هه‌ر ئه‌ڤرۆ ئێكشه‌مبى، له‌شكرێ توركى دبه‌ياننامه‌كێ دا راگه‌هاندبوو كو پێنج سه‌ربازێن توركى و15 چه‌كدارێن له‌شكرێ سوورى يێ ئازاد ل ده‌ستپێكا شه‌رێ عه‌فرينێ يێن هاتينه كوشتن.
دوهى شه‌مبێ، به‌هجه‌ت عه‌بدۆ، وه‌زيرێ به‌رگريێ ل كانتۆنا عه‌فرينێ دداخۆيانيه‌كا رۆژنامه‌ڤانيدا راگه‌هاندبوو دشه‌رێ عه‌فرينێ دا هه‌تا نوكه 100 سه‌ربازێن له‌شكرێ توركى يێن هاتينه كوشتن و11 سه‌رباز ژى وه‌كو ديل يێن هاتينه ده‌سته‌سه‌ركرن”.
