بۆچی چێنابیت ژنێن دوگیان ل سه‌ر پشتێ بنڤن؟
ئەڤرۆ نیوز :
ئێك ژ كێشێن سەرەکی یێن ژنێن دوگیان پێکهاتیە ژ شێوازێ نڤستنا وان، چونكی ژنێن دوگیان پتریا دەمی حه‌ز دکەن ل سه‌ر پشتێ بنڤن، به‌لێ نۆشدار رێنماییان ددەن،کو خەوا ل سەر پشتێ بۆ ژنێن دوگیان چه‌ند زیانەک هه‌نه.
لدووڤ نووچەکێ كو ل مالپەرێ healthline دا هاتیە بەلاڤکرن،کو بەحسێ خرابیا نڤستنا ل سه‌ر پشتێ بۆ ژنا دوگیان دکەت و دبێژیت،ب ئەگەرێ هندێ کو ڤەکۆلەران چه‌ندین ڤەکۆلین ئه‌نجام داینه، بۆ هندێ کو ژنێن دوگیان ل ماوێ زک پریێدا و دەمێ ل سه‌ر پشتێ دنڤن، ره‌نگه ئەو ئارام بنڤن، به‌لێ ئه‌ڤ شێوازێ نڤستنێ ب تایبه‌ت ل هەیڤێن دویێ و سێیێ یێن زک پریێ دا دێ كاریگه‌ریەکا خراب هەبیت ل سه‌ر وی بچووکێ د زکێ دایکا خوە دا.
نۆشدار هۆكارێ ڤێ ژی ڤەدگەرینن بۆ هندێ دەمێ کو ژن ب ڤی رەنگی دنڤیت خوین كێمتر دچیت بۆ مالبچیکی، چونكی د ڤی دۆخیدا كێشا زارۆکی ب ته‌مامی د‌كه‌ڤیته سه‌ر خوین هێنه‌ران و ئه‌ڤە ژی وە دکەت،کو پشتی ئه‌و ژن ژ خەو رادبیت، په‌ستانا خوینا وێ دێ بلند بیت و دێ سه‌رێ وێ گێژ بیت،کو ئەڤەژی وە دکەت کو خوارنا پێدڤی بۆ زارۆکی نه‌چیت و ئەو زارۆک ب ته‌مامی گه‌شه ناکەت.
نۆشدار رێنماییان ل ژنان د‌كه‌ن بۆ هندێ کو ئەو و زارۆیێن وان،روو ب روو ڤان كێشێن ساخلەمیێ نه‌بن، ل سەر پشتێ نەنڤن و ل سەر تەنشتێ بنڤن،بۆ هندێ داکو تووشی هیچ مه‌ترسیه‌كێ نه‌بن و ئەو زارۆیێ د زکێ وان دا ب رەنگەکێ تەمام گەشە بکەت.
