زیانێن داپۆشینا سه‌ری ل دەمێ نڤستنێ دا
ئەڤرۆ نیوز:
ئه‌ڤ جۆرێ خەوێ یێ خرابه ،كو گەلەک ژ مە ل دەمێ نڤستنێ دا ب کار دئینن، ئه‌وژی داپۆشینا سه‌ریه،نۆشدار دبێژن ئه‌ڤێ خەوێ گەلەک زیان هه‌نه بۆ لەشی و مرۆڤی تووشی كێشا هه‌ناسه‌دانێ و بهێن ته‌نگیێ دکەت.
لدووڤ نووچەکێ کو ل مالپەرێ sleeptight دا هاتیە بەلاڤەکرن،کو بەحسێ زیانێن سه‌ر داپۆشینێ دکەت ل دەمێ نڤستنێ دا و دبێژیت،ل دووڤ وان ڤەکۆلینێن کو زانا و نۆشداران ئه‌نجامداین،بۆ وان روون بوویە کو ڤی حاله‌تی گەلەک زیان هه‌نه بۆ لەشی، چونكی دێ بیته ئەگەرێ كێمبوونا رێژا ئۆكسجینێ پێدڤی بۆ هه‌ناسه‌دانێ و زێدەبوونا رێژا دووەم ئۆكسیدی كاربۆنی، ئه‌ڤەژی وە دکەت كو هه‌وایێ پێدڤی نه‌بیت بۆ هه‌ناسەدانێ و ب شێوه‌كێ گران دێ كریارا هه‌ناسه‌دانێ هێتە ئه‌نجامدان.
پشتی کو نۆشداران تاقیكرن ل سه‌ر ڤی جۆرە خه‌وێ كری، بۆ وان ده‌ركه‌فت كو زیانێن وێ گەلەکن و دبێژن، ئه‌ڤ حالە‌ته وه‌كی جگا‌ره‌‌كێشانێ یه،کو دبیته ئەگەرێ زیانگه‌هاندنێ ب خانێن مێشكی و ژ‌ناڤ برنا ڤان خانەیان، هه‌روه‌سا دێ بیته ئەگەرێ ژ ده‌ستدانا چالاكیێن مێشكی و دره‌نگ رابوون ب كارێن رۆژانه.
ئه‌ڤ سه‌ر داپۆشینه گەلەک جاران كارێ نڤستنێ گران دکەت و ئەو كه‌س نەشێت ب شێوه‌کێ ب ساناهی بنڤیت، هه‌روه‌سا زۆربه‌یا دەمان تووشی بێ خەویێ دبیت و ب درێژاهیا شه‌ڤێ نەشێت بنڤیت،کو ئەڤە ئێكه ژ كێشێن سەرەکی یێن ڤێ جۆرێ خه‌وێ.
