ده‌رمالێن دو وه‌زاره‌تان هاتنه برين
ئه‌ڤرۆنيوز:
حوكمه‌تا عيراقێ بريار دا هه‌موو ئه‌و شايستێن دارايى ژ كارمه‌ندێن وه‌زاره‌تێن ناڤخوه وبه‌رگريێ ببريت كو ل سالێن بۆرى بۆ دهاته مه‌زاختن.
ل دووڤ نڤيساره‌كێ كو سه‌رۆك وه‌زيرێن عيراقێ وه‌كو وه‌زيرێ دارايى ب وه‌كاله‌ت ل هه‌يڤا كانوونا ئێكێ 2017 ئيمزا ل سه‌ر كرى، بريار دايه كو نڤيسارا هژمار 584 يا سالا 2013 بهێته هه‌لوه‌شاندن وئێدى ئه‌و شايستێن دارايى كو دقانوونێ دا هاتبوونه بجهكرن، نه‌هێنه مه‌زاختن.
هه‌ر دوێ نڤيسارێ دا كو ئاراسته‌ى هه‌ردو وه‌زاره‌تێن ناڤخوه‌يى وبه‌رگريا عيراقێ كرى، دووپاتى ل سه‌ر وێ چه‌ندێ هاتيه كرن ژبه‌ركو شه‌رێ داعشێ يێ ب دووماهى هاتى ووه‌لات يا دقه‌يرانه‌كا دارايى دا، پێدڤيه ئه‌و شايستێن دارايى بهێنه برين.
ژێده‌ره‌كى رۆژنامه‌ڤانى ژ به‌غدا بۆ ئه‌ڤرۆنيوز دياركر كو هه‌ر كارمه‌نده‌كێ هه‌ردو وه‌زاره‌تێن به‌رگريێ وناڤخوه‌يى ل عيراقێ ده‌رمالێن هاوار هاتنێ وه‌ردگرتن كو 200 هزار دينار بوون وئه‌و بريارا هاتيه ده‌ركرن يا تايبه‌ته ب هه‌لوه‌شاندنا وان ده‌رمالان.
