وه‌زيرێ ده‌رڤه يێ ئه‌مريكا:پێدڤيه ئيران خوه ژ سووريێ وعيراقێ ڤه‌كێشيت
ئه‌ڤرۆنيوز:
وه‌زيرێ ده‌رڤه يێ ئه‌مريكا راگه‌هاند، پێدڤيه ئيران هێزێن خوه ژ سووريێ وعيراقێ ڤه‌كێشيت ودياركر كو ئه‌مريكا هيزێن خوه ژ عيراقێ ناڤه‌كێشيت تاكو پشت راست نه‌بيت كو داعش نازڤريت.
ريكس تێلرسۆن، وه‌زيرێ ده‌رڤه يێ ئه‌مريكا دكۆنگره‌كێ رۆژنامه‌ڤانيدا ل كوێتێ، گۆت” بۆچوونا ئه‌مريكا وه‌كو يا جڤاكێ نێڤده‌وله‌تى يه وپێدڤيه كاريگه‌ريا ئيرانێ ل سووريێ وعيراقێ نه‌مينيت”.
گۆتژى” بۆچوونا مه ژ ئه‌گه‌رێ وێ چه‌ندێ يه كو هه‌بوونا ئيرانێ ل وان ده‌ڤه‌ران چو ئاراميه‌ك بۆ وه‌لاتيان نه‌ئينايه”.
دووپاتكر ژى” دووباره داخوازێ ژئيرانێ دكه‌ين وان ده‌ڤه‌ران بجه بهێليت”.
ديسا گۆت” هه‌تاكو پشت راست نه‌بين كو داعش نازڤريته‌ڤه، ئه‌م هێزێن خوه ژ عيراقێ ناڤه‌كێشين”.
