پارێزگه‌ها دهۆكێ وركشوپه‌ك بۆ پتر ژ 70 رێكخراوێن ناڤخوه‌یی ئه‌نجامدا
ئه‌ڤرۆنيوز:
ژپێخه‌مه‌ت پێشخستنا كار وخزمه‌تێن رێكخراوێن ناڤخوه‌یی بۆ ئاواره وپه‌نابه‌ران وخوه‌جهێن پارێزگه‌هێ پێشكێش دكه‌ن وخورتكرنا هه‌ڤكاری وهاریكاریێ دناڤبه‌را بوردێ كاروبارێن مرۆڤایه‌تی (BORHA)ورێكخراوێن UNورێكخراوێن NGO . ئه‌ڤرۆ سپێدێ 22-2-2018ل هۆلا كۆنگرا ب ئاماده‌بونا ئيسماعیل محه‌مه‌د هاریكارێ پارێزگه‌رێ دهوكێ بۆ كاروبارێن ئاواره وپه‌نابه‌ران ، بوردێ كاروبارێن مرۆڤایه‌تی (BORHA)ورێكخراوا (OCHA)ورێكخراو(UNDP) وركشوپه‌كا هه‌ماهه‌نگیێ بۆ پتر ژ(70)رێكخراوێن ناڤخوه‌یی یێن لوكال ڤه‌كر.
ل به‌راهیێ هاریكارێ پارێزگه‌رێ دهوكێ بۆ كاروبارێن ئاواره وپه‌نابه‌ران په‌یڤه‌ك پێشكێشكر تێدا گرنگیا ڤه‌كرنا ڤان جۆره وركشوپا به‌رچاڤكر كو ژبۆ هندێ یه رێكخراوێن UNوNGOپتر هه‌ڤكاربن بۆ ئاماده‌كرنا پلان وپرۆژان بۆهه‌ر ساله‌كێ كو باشتر خزمه‌تا ئاواره وپه‌نابه‌ران بهێته كرن وبه‌رهه‌ڤیا بوردێ كاروبارێن مرۆڤایه‌تی ل پارێزگه‌هێ نیشان دا بۆ هه‌ر هاریكاریه‌كێ بۆ وێ یه‌كێ كار و پرۆژێن خزمه‌تكرنێ باشتر بهێنه ده‌ست نیشانكرن وبجهئینان وسه‌ركه‌فتن بۆ پشكدارێن وركشوپێ خواست.
پاش هه‌ر ئێك ژ نوونه‌رێن رێكخراوێن (OCHA) و (UNDP) وبوردێ كاروبارێن مرۆڤایه‌تی ل پارێزگه‌هێ (BORHA) سمینار ل دۆر چاوانیا دارشتن وده‌ستنیشانكرنا پرۆژه وكارێن خزمه‌تكرنێ بۆ ئاواره وپه‌نابه‌ران پێشكێشكرن وگه‌نگه‌شێن به‌رفرهه ل سه‌ر هه‌ر بابه‌ته‌كێ سمینارێ هاتنه كرن.
پتر ژ90 كه‌سان ژ70رێكخراوێن ناڤخوه‌یی وسازیێن میری پشكداربوون.
