به‌رپرسه‌كێ حوكمه‌تێ به‌حسێ ژڤانێ به‌لاڤكرنا مووچێ خانه‌نشينان دكه‌ت

ئه‌ڤرۆنيوز:

رێڤه‌به‌رێ گشتيێ خانه‌نشينيێ ل هه‌رێما كوردستانێ ئاشكراكر كو پشتى ب دووماهى هاتنا به‌لاڤكرنا مووچێ پێشمه‌رگه‌ى، دێ ده‌ست ب به‌لاڤكرنا مووچێ خانه‌نشينان هێته‌ كرن.

حازم ئيسماعيل، رێڤه‌به‌رێ گشتيێ خانه‌نشينيێ ل هه‌رێمێ بۆ باسنيوز گۆت”پشتى گه‌له‌ك دووڤچوونێ، ل گه‌ل وه‌زيرێ دارايى ئاخڤتم وب من راگه‌هاند كو پشتى ب دووماهى هاتنا به‌لاڤكرنا مووچێ پێشمه‌رگه‌ى، دێ مووچێ خانه‌نشينان هێته‌ به‌لاڤكرن”.

گۆت ژى” هێشتا به‌لاڤكرنا مووچێ پێشمه‌رگه‌ى ب دووماهى نه‌هاتيه‌ وهيڤيدارين ب زووترين ده‌م مووچێ خانه‌نشينان بهێته‌ به‌لاڤكرن چونكى ده‌مه‌كێ درێژه‌ مووچێن خوه‌ وه‌نه‌گرتين”.

کۆمێنتا تە