قوباد تاڵەبانی:ئه‌ز ژى چاڤه‌رێ مووچێ عه‌بادى مه
ئه‌ڤرۆنيوز:
جێگرێ سه‌رۆك وه‌زيرێن هه‌رێما كوردستانێ راگه‌هاند، هيڤيدارم حوكمه‌تا عيراقێ يا پێگير بيت ب ڤه‌كرنا فرۆكخانان وهنارتنا مووچه‌ى ودياركر ئه‌ز ژى چاڤه‌رێ مووچێ عه‌بادى مه.
قوباد تاڵەبانی، جێگرێ سه‌رۆك وه‌زيرێن هه‌رێما كوردستانێ دكۆنگره‌كێ رۆژنامه‌ڤانى دا ل باژێرێ سلێمانيێ گۆت ژى”هه‌موو داخوازيێن به‌غدا ل سه‌ر فرۆكخانان ئه‌وا ل سه‌ر مه مه پێگيرى يا كرى وهيڤيدارين به‌رى نه‌ورۆزێ بهێنه ڤه‌كرن بۆ وێ چه‌ندێ هژماره‌كا مه‌زن يا گه‌شتياران سه‌ره‌دانا هه‌رێما كوردستانێ و عيراقێ ب گشتى بكه‌ن وهه‌روه‌سا هژماره‌كا مه‌زن يا گه‌شتياران ژى بچنه ده‌رڤه‌ى وه‌لاتى”.
ل دۆر هنارتنا مووچه‌ى ژئاليێ حوكمه‌تا عيراقێ ڤه وپێزانينێن نوو ل سه‌ر وێ سۆزا حه‌يده‌ر عه‌بادى داى بۆ هنارتنا مووچێ فه‌رمانبه‌رێن هه‌رێمێ به‌رى جه‌ژنا نه‌ورۆزێ، قوباد تاله‌بانى گۆت”ئه‌ز ژى چاڤه‌رێ مووچێ عه‌بادى مه”.
ئاماژه دا ژى” هه‌موو ئه‌و پێرابوونێن عه‌بادى داخوازكرين بۆ پێداچوونێ ب ليستا ناڤێن فه‌رمانبه‌ران يێن هاتينه بجهئينان هه‌چه‌نده مه ب پێدڤه ژى نه‌دزانى وليستا بيۆمه‌ترى مه پێشكێش كربوو وهه‌موو وه‌زاره‌تان پێداچوون يا ده‌ستپێكرى ود هه‌ردو وه‌زاره‌تێن په‌روه‌ردێ وساخله‌ميێ دا چو كێشه نه‌بوون”.
دياركرژى كو ئه‌وا پێدڤى ل سه‌ر وان يا هاتيه ئه‌نجامدان وهيڤيدارێن ئه‌و ژى دپێگير بن ب سۆزێن خوه.
