رووسیا و توركیا رێككه‌فتنەکا نوو ل دژى ئاوارێن عه‌فرینێ دكهن
ئەڤرۆ نیوز ، زنار تۆڤی :
روانگه‌ها سوورى بۆ مافێن مرۆڤ ئاشكرا دکەت،کو هێزێن رووسیا ل گه‌ل توركیا رێككه‌فتینە بۆ هندێ د به‌رژه‌وه‌ندیا هێزێن توركیا دا ل ته‌لره‌فعه‌ت ڤەكێشن كو زێدەتر ژ 50 هزار ئاوارێن عه‌فرینێ تێدا هەنه.
ئه‌ڤرۆ ده‌زگه‌هێن راگه‌هاندنا توركیا بەحس ل هندێ دكهن کو هێزێن توركیا و هێزێن میلیشیاتێن سوپایێ ئازاد چووینە ناڤ شارۆچکی ته‌لره‌فعه‌ت کو ئه‌ڤ شارۆچکە ب سه‌ر شارێ حه‌له‌ب ڤەیە و ل گه‌ل عه‌فرینێ یێ هەڤسنووره.
لدووڤ نووچەکێ سكاى نیوز،کو روانگه‌ها سوورى بۆ مافێن مرۆڤی ئاشكرا كریه،کو ل شارۆچکێ ته‌لره‌فعه‌ت هێزێن رووسیا ل گه‌ل توركیا رێككه‌فتینە کو وی شارۆچکی بجهبهێلن، بۆ هندێ کو هێزێن توركیا و سوپایێ ئازاد بچنه وی باژێرکی.
مه‌ترسیا چوونا هێزێن توركیا بۆ ته‌لره‌فعه‌ت د هندێ دایە،کو لدووڤ راپۆرتێن مرۆڤی زێدەتر ژ 50 هزار ئاوارێن عه‌فرینێ ل وی شاری هەنە،کو ل 18 ڤێ هەیڤێ ل دەمێ داگیركرنا عه‌فرینێ ئەو باژێر بجه هێلایە.
هەروەسا روانگه‌ها سووریێ ئاماژێ ب هندێ دکەت،کو پشتی داگیركرنا ته‌لره‌فعه‌ت ژلایێ هێزێن توركیا ڤە،دێ ئەو ئاواره روو ب روو چاره‌نڤیسەکێ نە دیار بن.