ب ڤیدیۆ – كۆمكرنا حه‌سۆ و خیزى ب عه‌ره‌بان و بێركێ ل سيريێ
ئه‌ڤرۆ نیوز، نه‌وزاد هلۆرى:
دو گه‌نجێن كومه‌ڵگه‌ها سیریێ ل ناحیا شێلادزێ ب رێیه‌كا زور كه‌ڤن رابووینه ب كۆمكرنا حه‌سۆى و خیزى بۆ كاروبارێن ناڤمال و هاڤینگه‌هه‌كێ ل نێزیك مالا خوه.
هشیار ئه‌شقى ، وه‌لاتیه‌كێ كومه‌لگه‌ها سیریێ یه بۆ ئه‌ڤرۆ نیوز گۆت: (رووبارێ شین پره ژ حه‌سۆى و خیزى و مرۆڤ دشێت ب ساناهى خیزى ده‌ربینیت ، ژبه‌رڤێ پێدڤى ناكه‌ت كو مرۆڤ بچیت بكریت ، هه‌ر چه‌نده ده‌رئینانا خیزى ب بێرك و عه‌ره‌بانێ رێیه‌كا كه‌ڤنه، به‌لێ مه تێرا خوه خیز يێ ده‌رئیناى)
زێده‌تر گۆت: (ئه‌ڤ حه‌سۆ و خیزه بۆ دیوار و كاروبارێن ناڤمالێ ب كونكرێتى گه‌له‌ك باشه و یێ پاقژ و شوشتى یه ، نها مالا مه دكه‌ڤیته سه‌ر رووبارێ شین و مه ل به‌ره ل نێزیك مالا خوه و ل سه‌ر رووبارێ شین هاڤینگه‌هه‌كا نوو وه‌كو كه‌پر درۆست بكه‌ین و ئه‌م دێ شێن ڤى حه‌سۆى و خیزێ مه ده‌رئینایى بۆ كونكرێتكرنێ بكاربینین)
ناڤبرى گوت ژى كو ده‌رینانا حه‌سۆى و خیزى ب عه‌ره‌بانه و بێركێ یا ب زه‌حمه‌ته و گۆت ژى: (ئه‌م دشێن رۆژانه هه‌تا 100 عه‌ره‌بانان ژى كۆم بكه‌ین، به‌لێ هه‌ر چاوان بیت مرۆڤ دشێت تا راده‌یه‌كێ باش پێدڤیێن خوه ده‌ربینیت).