خانیه‌ك بۆ دانعه‌مران ل دهۆكێ دێ هێته ئاڤاكرن
ئه‌ڤرو سپێدێ 23/7/2018 به‌رێز به‌هزاد علی ئاده‌م پارێزگه‌رێ دهوكێ ب وه‌كاله‌ت پێشوازیا به‌رێز (ژیان میرانی ) به‌رپرسا ده‌زگایێ روناهی یا خێرخازی و شاندێ دگه‌لدا كر
دهه‌ڤدیتنه‌كێ دا ب ئاماده‌بونا قایمقامێ دهوك و رێڤه‌به‌را چاڤدێریا جڤاكی ب وه‌كاله‌ت به‌حسێ پروژێ ئاڤاكرنا خانیێ دانعه‌مرا ل دهوكێ هاته كرن ,
به‌رپرسا ده‌زگایێ نافبری دیار كر كو وان به‌رنامه‌ك هه‌یه بو ئاڤاكرنا خانیه‌كێ تایبه‌ت بو دانعه‌مرا ل دهوكێ و پێدڤی ب هاریكاری و پشته‌ڤانیا كارگێریا پارێزگه‌هێ و رێڤه‌به‌ریێن په‌یوه‌ندیدار هه‌یه و دیار كر كو عه‌ردێ پێدڤی بو هاتیه دابینكرن ,
پارێزگه‌رێ دهوكێ ب وه‌كاله‌ت ده‌ست خوشی ل ده‌زگایێ روناهی یێ خێرخازی كر بو ئه‌نجامدانا ڤی پروژه‌ی و به‌رهه‌ڤیا كارگێریا پارێزگه‌ها دهوكێ بو هه‌ر هاریكاریه‌كا پێدڤی بیت بو سه‌ركه‌فتنا پروژه‌ی دوپاتكر ,
هه‌ژی گوتنێ یه كو برێكا رێڤه‌به‌ریا گشتی یا چاڤدێریا جڤاكی ل دهوكێ ئه‌ردێ پێدڤی بو هاتیه دابینكرن و ئاڤاهی ژ 500م2 پێك دهێت و بریاره ئاڤاهی ب سێ نهوما بهێته ئاڤاكرن و هه‌می خه‌رجیێن خانیێ نافبری و خودانكرنا دانعه‌مرا ژلایێ ده‌زگایێ روناهی یێ خێرخازی ڤه هێنه كرن ,