ب ڤیدیۆ – ئەڤ سالە رێژە و بهایێ سماقێ کێمبوویە
ئه‌ڤرۆ نیوز، نه‌وزاد هلۆرى:
نێزیكێ 15 رۆژایه وه‌لاتیێن ده‌ڤه‌رێن جودا جودا یێن هه‌رێما كوردستانێ ب گشتى و ده‌ڤه‌را ئاكرێ و ئامێدیێ ب تایبه‌تى ده‌ست ب چنینا سماقێ كریه،و وه‌لاتیێن ده‌ڤه‌را زێبارێ دایه دیاركرن كو ئه‌ڤ ساله بهایێ سماقێ زۆر ئه‌رزانه و گورانكاریێن كه‌ش و هه‌وای كارتێكرن ل كێمبوونا سماقێ ژى كریه.
چه‌ند ره‌زڤانێن گوندێ هلورا ل شێلادزێ ب شێوازێ زوباره مژوولێ چنینا سماقێ بوون و كامیرا ئه‌ڤرۆ نیوز چه‌ند دیمه‌نێن چنینا سماقێ گرتینه و بگوره‌ى ئاخڤتنێن ره‌زڤانان ، هژماره‌كا زۆر یا ره‌زێن سماقێ ل گوندێ ناڤبرى هه‌نه، به‌لێ داكه‌فتنا بهایێ سماقێ بوویه ئه‌گه‌ر كو ئه‌و دلگران ببن و زێده‌بارى داكه‌فتنا بهایێ سماقێ ژ ئه‌گه‌را گورانكاریێن كه‌ش و هه‌وای و نه‌خوشیان ئه‌ڤ ساله كارتێكرن لسه‌ر كێمبوونا سماقێ كریه.
ره‌زڤانان دیاركر ژى كو چنینا سماقێ پێدڤى ب جوره شاره‌زایه‌كێ هه‌یه و ئه‌و روژانه سپێدێ ل گه‌ل هه‌لاتنا روژێ هه‌تا ئێڤارى دچنه سماقێ ، و پاشان دئینن مال و پاقژ دكه‌ن و پاشان ل بازاران دفروشن.
