پشتى 27 سالان فنله‌ندا دێ باليۆزخانا خوه ل به‌غدا ڤه‌كه‌ت
ئه‌ڤرۆنيوز:
وه‌زاره‌تا ده‌رڤه يا فنله‌ندا راگه‌هاند ئه‌و بزاڤان دكه‌ت بۆ ڤهكرنا باليۆزخانه‌كێ بۆ ئێكه‌مين جار د27 سالێن بۆرى دا ل به‌غدا.
مالپه‌رێ (يوتى سايت) يێ فنله‌ندى ژ وه‌زيرێ ده‌رڤه‌يا فنله‌ندا ( يمو سوانى) ڤه‌گوهاست” عيراقێ ره‌ڤه‌نده‌كا مه‌زن ل فنله‌ندا يا هه‌ى كو ئه‌ڤه ژى پێدڤى زێده‌تر هه‌ڤكاريێ يه دناڤبه‌را هه‌ردو وه‌لاتان دا”.
دياركر ژى” كێشا داخوازكه‌رێن په‌ناپه‌ريێ يێن عيراقى كو داخوازيێن وان هاتينه ره‌تكرن ژلايێ فنله‌ندا ڤه، ئه‌وژى دێ ل سه‌ر خشتێ په‌يوه‌نديێن مه وعيراقێ بيت”.
ئاماژه دا ژى” پێشڤه‌برنا په‌يوه‌نديان وهه‌ڤكاريا بازرگانى ژى ئێك ژ ئارمانجێن ڤهكرنا باليۆزخانا مه يه ل به‌غدا”.
وه‌لاتێ فنله‌ندا پشتى سالا 1991 چو دبلوماتكار ل به‌غدا نه‌بوون.
