سالح و عودەی ھەڤبەستێن تەلەبە و نەفت ئیمزا کرن
ئەڤرۆ نیوز، ھەژار مەعروف:
چوونا یاریکەرێن یانا دھۆک یا بەردەوامە و ھەر دوھی ھەردو یاریکەرێن یانێ سالح سەدیر و عودەی تالب دەست بەردانا خوە ژ یانا دھۆک وەرگرت پشتی گەھشتی نە رێککەفتنێ ل گەل دەستەیا کارگێریا یانێ.
ژێدەرەکێ نێزیک ژ ئەوان ھەردو یاریکەران بوو مالپەرێ ئەڤرۆ نیوز دیارکر ئەوان نە دخوازت ئەو یانێ ب جە بھێلن ژبەرکو د ئارام بوون ل گەل یانا دھۆک لێ پشتی رێژەیەکا مەزن یا یاریکەران تیم ب جە ھێلای ئەوژی نەجار بوون تیمێ ب جە بھلێن ژبەرکو یانێ دخوازت پشت بەستنێ لسەر یاریکەرێن تیما خولا کوردستانێ بکەن .
ئەوی ژێدەرێ ئاماژە ب وێ چەندێ ژی کر ھەردو یاریکەر گەھشتی نە رێککەفتنێ ل گەل دو یانێن دی یێن خولا عیراقێ کو بریارە سوباھی سالح سەدیر ب فەرمی ھەڤبەستا یانا تەلەبە ئیمزابکەت ب کوژمێ 150 ملیون دیناران و عودەی تالب ب کوژمێ 100ملیون دیناران ھەڤبەستا نەفت ئەلجنوب ئیمزابکەت