نڤیسەرەکێ تورک ناڤەرۆکا سەرەدانا بۆلتۆنی ئاشکرا دکەت
ئەڤرۆ نیوز:
عەبدولقادر سەلڤی نڤیسەرێ ناڤدارێ تورکیا و کەسایەتیێ نێزیکی ئاکپارتیێ دیار دکەت کو جۆن بۆلتۆن د سەرەدانا خوە یا بۆ تورکیا دا ل گەل ئیبراهیم کالین پەیڤدارێ سەرۆک کۆماریا تورکیا کۆم ببوو و داخواز ژ وی وەلاتی کربوو ب هەموو شیانێن خوە شەرێ داعشێ بکەن و تورکیا دو داخوازی ژ ئەمریکا هەبوون.
ناڤهاتی ل دۆر داخوازیێن تورکیا دبێژیت: بەرپرسێن تورکیا داخواز ژ ئەمریکا کربوون ١٦ بنگەهێن خوە یێن سەربازی ل سووریێ رادەستی تورکیا بکەن و چەکێن د دەستێن یەپەگێ ژێ وەربگریت و ئەمریکا ژی ئەڤ هەر دو داخوازیێن تورکیا رەت کربوون، ژ بەر هندێ ژی ئەردۆگان رازی نەبوو ل گەل جۆن بۆلتۆنی کۆم ببیت.
