جیرونا خزمەتەکا مەزن پێشکێشی بەرشەلونە و ئەتلەتیکو مەدرید کر
ئەڤرۆ نیوز:
بەری دەمەکێ کێم یاریێن حەفتیا ٢٤ ژ خولا ئسپانیا یا تەپا پێ یانا جیرونا خزمەتەکا مەزن پێشکێشی یانێن بەرشەلونە و ئەتلەتیکو مەدرید کر دەمێ سەرکەفتن ل سەر ھەڤرکا وان یانا ریال مەدرید تومارکری ب دو گۆلان بەرامبەر گۆلەکێ.
د نیڤا ئێکێ دا ریال مەدرید یا پێشکەفتی بوو برێکا یاریزانێ خوە کاسیمێرو نیڤا ئێکێ ژی ب ڤی ئەنجامی ب دووماھی ھات.
د نیڤا دویێ دا یانا جیرونا بھێز ڤەگەریا یاریێ دا و شیا دو گۆلان تومار بکەت برێکا یاریزانێ خوە ستوانی ژ پەنەرتیێ و کرستیان پورتو، ئەنجامێ یاریێ ژی ب سەرکەفتنا جیرونا ل سەر ریال مەدرید ب دو گۆلان بەرامبەر گۆلەکێ ب ڤی ئەنجامی ھەلویستێ خولێ گۆھۆرین ب سەردا ھات و ریال مەدرید پاشڤە زڤری رێزا سیێ ب ٤٥ خالان و ئەتلەتیکو ھاتە رێزا دویی ب ٤٧ خالان ئەوا بەرشەلونە سەرکێشیا وێ دکەت ب ٥٤ خالان.
