نه‌خوشیه‌كێ 140 ته‌رش و که‌والێ وه‌لاتیان كوشتیه

ئەڤرۆ نیوز ٬ عەلی حاجی :

ل ناحیا باتیڤا یا سەر ب قەزا زاخۆ نێزیکی ۲۰ روژایە ۱٤۰ ته‌رش و که‌والێ سالح خالد مریه‌ و هەتا نوکە ئەگەرێ مرنا وان نەهاتیە زانین .
سالح خالد ٬ خودانێ ته‌رش و که‌والێ بۆ ئەڤرۆ نیوز گوت : نێزیکی ۲۰ روژایە بزنێن من روژانە ۱۰ هەتا ۱۵ دمرن و هەتا نوکە ژی زێدەتری ۱٤۰ بزنا مرنە بەلێ هەتا نوکە ئەم نوزانین ئەگەرێ مرنا وان بزنا چیە ٬ مە جهێن پەیوەندیدار ل دور ڤێ چەندێ ئاگەهدار کرینە و ماوەیێ دو روژایە رێڤەبەرێ ناحیایێ ژی سەرەدانا مە کری یە و سوزدایە ئەوا دشیانێ وان دا بیت ئەنجام بدەن .
ناڤبری ئەو چەندە ژی گوت : هەتا سێ نوژدارێن ڤێتیرنەری ژنێزیک ڤە سەحکریە بزنێت مە و هەر نوژدارەکێ تشتەک ب مە گوتیە ٬ هەر چەندە ژی ژمارەکا دەرمانان ژلایێ ڤان نوژداران ب ڤان بزنا هاتیە دان بەلێ نەبویە ئەگەرێن چارەسەریا ڤان بزنان و مرنا وان ژی یا بەردەوامە ٬ هەتا مە نوژدارەک ژ وەلاتێ تورکیا ژی ئینا بەلێ هەر بێ مفا بو و هیڤیدارین چارەیەکا بلەز بو بزنێن من بهێتە دیتن .

کۆمێنتا تە